Álem • 11 Qarasha, 2021

BUU Bas hatshysy mıgranttarǵa baılanysty úndeý jasady

162 ret

kórsetildi

1 mın

oqý úshin

Birikken Ulttar Uıymynyń Bas hatshysy Antonıý Gýterrısh Belarýs pen Eýropalyq Odaq shekarasynda bolyp jatqan mıgranttarǵa baılanysty oqıǵany saıası maqsatta paıdalanbaýǵa shaqyrdy, dep habarlaıdy Egemen.kz.

Gaýhar QAPASh

BUU Bas hatshysy mıgranttarǵa baılanysty úndeý jasady

Bul týraly onyń ókili Stefan Dýjarrık málimdedi. Onyń aıtýynsha, BUU biraz ýaqyttan beri Belarýs-Polsha shekarasyndaǵy bosqyndarǵa qatysty jaǵdaıdy baqylap otyr.

«Birqatar negizgi qaǵıdalar bar: halyq eshqashan saıası maqsatqa jetýdiń quraly retinde paıdalanylmaýy kerek, ásirese, baspana ne qaýipsizdik izdep júrse de, qıyn jaǵdaıda tursa da», delingen habarlamada.

Eske salaıyq, Belarýssııa men Polsha, Lıtva jáne Latvııa shekaralaryndaǵy kóshi-qon daǵdarysy sońǵy birneshe aptada kúrt shıelenisti. BUU Bosqyndar isteri jónindegi Joǵarǵy Komıssary basqarmasynyń (UNHCR) shaqyrýyna qaramastan, Polsha áskerı qyzmetshileri Taıaý Shyǵys pen Aýǵanstannan Polshaǵa kórshi Belarýsten kiretin zańsyz mıgranttarmen kúresý úshin qorshaý ornatýǵa sheshim shyǵarǵan.

Buǵan deıin Polsha premer-mınıstri shekaradaǵy mıgranttarmen jaǵdaıdy soǵystyń «jańa túri» dep ataǵan bolatyn. Sondaı-aq, Kýznısadaǵy ótkizý pýnkti jabylǵannan keıin Polsha-Belarýs shekarasynda júk kólikteriniń úlken kezegi paıda boldy. Bul týraly Polsha shekara kúzeti Podlıask komendatýrasynyń baspasóz hatshysy Katajına Zdanovıch málimdegen edi.