Semınar-keńeske Nur-sultan qalasyndaǵy Prezıdenttik klınıkanyń sondaı-aq, Almaty qalalyq Ortalyq klınıkalyq aýrýhanasynyń basshylary men jetekshi mamandary, QR Densaýlyq saqtaý mınıstrligi men óńirlik densaýlyq saqtaý basqarmalarynyń ókilderi, elimizdiń jetekshi ǴZI ǵalymdary, Germanııa, Fransııa, Túrkııa, Reseı, Grýzııa, Ázirbaıjan, Baltyq elderinen osyndaı klınıkalyq baǵyttaǵy sheteldik medısınalyq ortalyqtardyń bedeldi mamandary qatysýda.
Qazaqstan Respýblıkasy Prezıdenti Is Basqarmasy Medısınalyq ortalyǵynyń basshysy Sáýle Qısyqova qazaqstandyqtardyń zamanaýı medısınalyq qyzmetterge teń qol jetkizýi úshin densaýlyq saqtaý júıesin damytýdyń mańyzdylyǵyn atap ótti.
«Biryńǵaı ulttyq densaýlyq saqtaý júıesin engizý bizdiń ortalyqtyń medısınalyq uıymdaryna Qazaqstan Respýblıkasynyń Halqyna medısınalyq qyzmet kórsetý boıynsha básekeles ortaǵa kirýge múmkindik berdi. Biryńǵaı ulttyq densaýlyq saqtaý júıesiniń negizgi qaǵıdaty pasıenttiń dárigerdi jáne medısınalyq uıymdy erkin tańdaý quqyǵy bolyp tabylady. Bul quqyqty elimizdiń barlyq óńirlerinen 100 myńnan astam azamat paıdalanyp, bizdiń aýrýhanalarda em aldy», dedi ol.
Ortalyqtyń negizgi mıssııasy - dıagnostıkanyń, emdeý men ońaltýdyń joǵary tehnologııalyq ádisterin qoldana otyryp, medısınalyq kómekke qol jetkizý arqyly qazaqstandyqtardyń densaýlyǵyn saqtaý jáne qoldaý. Ortalyqtyń vedomstvolyq baǵynysty uıymdarynda bar zamanaýı joǵary dáldikti apparatýra, ozyq tehnologııalardy paıdalaný, ǵylymı jetistikter men kásibı kadrlar kardıologııalyq, nevrologııalyq jáne onkologııalyq aýrýlardy erte anyqtaýǵa yqpal etetinine de basa nazar aýdaryldy.
Shara barysynda asa kúrdeli aýrýlardy emdeýdegi otandyq medısınanyń múmkindikteri men jetistikteri taldandy. Jınalǵandar ortalyq aýrýhanalardyń qyzmet baǵyttary belgilenip, biregeı operasııalar júrgiziletin jańa jabdyqtar tanystyryldy.
Qazaqstandyq jáne sheteldik medısına mamandary qazirgi zamanǵy ǵylymnyń ınnovasııalyq baǵyttarynyń biri - ıadrolyq medısınaǵa kóńil bólýge shaqyryp, koronavırýs pandemııasy jaǵdaıynda densaýlyq saqtaý júıesiniń jumys isteýin tıimdi uıymdastyrý baǵytynda tájirıbe almasty.
Sondaı-aq, semınar-keńes qatysýshylary Qazaqstan Respýblıkasy Prezıdenti Is Basqarmasy Medısınalyq ortalyǵynyń joǵary tehnologııalyq medısınalyq kómek kórsetýge arnalǵan zamanaýı qural-jabdyqtaryn joǵary baǵalady.
Sonymen birge, ortalyq mamandary medısınalyq - ıadrolyq tehnologııalar men robot-hırýrg, genomdyq zerthananyń jumysymen tanystyrdy. El aýmaǵynda analogy joq medısınalyq qural-jabdyqtardyń jyl jyljyǵan saıyn múmkindikteri artyp, aýrýdy erte satydan anyqtaýǵa mol úles qosatynyn jetkizdi.
