13-15 qarashada Qazaqstandaǵy aýa raıyn soltústik-batys sıklonnyń tereń jyrasy jáne onymen baılanysty frontaldy bólimder aıqyndaıtyn bolady.
Batystan shyǵysqa qaraı jyljı otyryp, eldiń barlyq óńirlerin jyra qamtıdy, osyǵan baılanysty jańbyr men qar túrinde jaýyn-shashyn, kóktaıǵaq, soltústik jartysynda burqasyn bolyp, ekpindi jel kútiledi.
«Batysta aýa temperatýrasy túnde 5 aıaz–3 jylý, kúndiz 3 aıaz–10 jylý, soltústikte, soltústik-batysta jáne shyǵys pen ortalyqta túnde 1-10 aıaz, kúndiz 5 aıaz–7 jylý, elimizdiń ońtústiginde, ońtústik-shyǵysynda túnde 1-10 aıaz, kúndiz 2-10 jylý boljanady», dep jazady «Qazgıdromet» RMK.
