«Jolaqysyn tóleýge qatysty jańashyldyqtar jol júrý qunyna áser etpeıdi. Osyǵan deıingi tarıfter sol kúıinde ózgerissiz qalady. Sondaı-aq tólem jasaý júıesin jańartý ınvestordyń esebinen júzege asyrylmaq. Iаǵnı bıýdjet qarajaty jumsalmaıdy. Búgin 3 kompanııa óz ónimin usynyp otyr, sonyń bireýin tańdaıtyn bolamyz. Bizdiń seriktesterimizge qoıatyn basty talabymyz jańartylǵan tólem jasaý júıesiniń jolaýshylar úshin yńǵaıly bolýy. Jáne jolaýshyda tańdaý bolýy kerek», dedi CTS (City Transportation Systems) JShS-niń basqarma tóraǵasy Bekmyrza Igenberdınov baspasóz máslıhatynda.
Onyń aıtýynsha, búginde elordanyń birneshe avtobýsynda jolaqysyn kez kelgen ekinshi deńgeıdegi banktiń kartasy arqyly tóleý testileýden ótip jatyr.
Pılottyq joba aıasyndaǵy taǵy bir jańashyldyq jolaýshy VISA jáne Mastercard kartasy, sondaı-aq NFC júıesi bar smartfon arqyly da tólem jasaýǵa bolatyny aıtyldy.
Tólem jasaý men birlikti toltyrýdyń jańa júıesi №61 qalalyq baǵyttaǵy 3 avtobýsta jáne qala mańyna qatynaıtyn №309, 310, 315 qoǵamdyq kólikterde pılottyq joba túrinde iske asyp jatyr.
