Aqtóbe oblysy boıynsha bir táýlikte 20 adamnan koronavırýs ınfeksııasy anyqtaldy. Onyń kóbi derttiń sımptomdy túrine shaldyqqan. Qazirgi kezde barlyǵy 154 adam em qabyldap jatyr. Onyń 21-i jansaqtaý bóliminde.
«Koronavırýs ınfeksııasyna shaldyqqan naýqastardyń tórteýi ókpeni jasandy jeldetý apparatyna qosylǵan. Balalar týraly aıtar bolsam, 36 bala dárigerlerdiń baqylaýynda. Sonymen birge 14 júkti áıel vırýs juqtyrǵan. Qazirgi kezde jaǵdaı turaqty. Infeksııalyq tósek-oryn júktemesi 42,2%, al jansaqtaý bólimindegi júkteme 38,2 % qurap otyr», dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
Aqtóbede áli de 8 myńnan astam adam úı karantıninde.
«1 qyrkúıekten bastap búginge deıin mektepke deıingi mekemelerde tárbıelenetin 53 baladan vırýs anyqtaldy. Búginde barlyǵy 4 top karantıninde. Al 1 qyrkúıekten bastap 800 oqýshynyń boıynan vırýs tabyldy. Qazirgi kezde 15 synyp karantınge jiberildi», dedi oblystyq sanıtarııalyq-epıdemıologııalyq baqylaý departamenti basshysynyń mindetin atqarýshy Gúlbaný Dáýletova.
