Qoǵam • 12 Qarasha, 2021

Qostanaıda respýblıkalyq lektorıı ótti

300 ret

kórsetildi

1 mın

oqý úshin

Halyqtyń birligin odan ári nyǵaıtý maqsatynda, sondaı-aq, barsha qazaqstandyqtardyń ortaq mádenı kody, ortaq qundylyqtary men jalpyulttyq tarıhı sanasy negizinde Qostanaı oblysynda QR Aqparat jáne qoǵamdyq damý mınıstrligi uıymdastyrǵan «Shoǵyrlandyrý - odan ári progrestiń basty faktory» atty qoǵamdyq kelisim men jalpyulttyq birliktiń qazaqstandyq modelin ilgeriletý jónindegi respýblıkalyq lektorıı ótti, dep jazady Egemen.kz QR Aqparat jáne qoǵamdyq damý mınıstrligine silteme jasap.

Dana MYRZAQADIR

Lektorıı aıasynda Qostanaı oblysy ákiminiń orynbasary B.Esimovanyń, QHA Keńesiniń músheleriniń, memlekettik organdar men qoǵam ókilderiniń qatysýymen plenarlyq otyrys ótti.

Kezdesýde etnomádenı birlestikter men óńir jurtshylyǵynyń basshylaryna Memleket basshysynyń Qazaqstan halqy Assambleıasynyń XXIX sessııasynda aıtqan etnosaralyq qatynastar salasyndaǵy jańa qaǵıdattary men konseptýaldyq tásilderi, sondaı-aq dıasporaldyq saıasat salasyndaǵy jumys jetkizildi.

Sonymen qatar etnomádenı birlestikterdiń ókilderimen, Fedorov aýdanynyń muǵalimderimen jáne qandastarymen, sondaı-aq óńirdiń ónerkásiptik kásiporyndary bazasynda QHA Qoǵamdyq qurylymdarymen birqatar kezdesýler ótti.

Kezdesýlerde QHA jáne onyń qoǵamdyq qurylymdarynyń óńir ómirindegi róli, qandastardyń beıimdelýi jáne shetelde turatyn otandastarmen mádenı-gýmanıtarlyq baılanystardy odan ári damytý, týraly túrli máseleler qozǵaldy.

О́ńirdiń etnomádenı birlestikteri men kásiporyndary etnostardyń mádenıet, bilim, sport, ónerkásip jáne bıznestiń túrli salalaryndaǵy jetistikteriniń kórmelerin uıymdastyrdy.