Premer-Mınıstr Asqar Mamın Úkimettiń Sıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri boıynsha keńes ótkizdi.
Qazirgi jaǵdaı men júrgizilip jatqan jumys týraly saýda jáne ıntegrasııa vıse-mınıstri Erjan Qazanbaev, aýyl sharýashylyǵy mınıstri Erbol Qarashókeev, Básekelestikti qorǵaý jáne damytý agenttiginiń tóraǵasy Serik Jumanǵarın, Almaty qalasynyń ákimi Baqytjan Saǵyntaev, Shymkent qalasynyń ákimi Murat Áıtenov, Túrkistan oblysynyń ákimi О́mirzaq Shókeev, Almaty oblysynyń ákimi Amandyq Batalov jáne t. b. baıandady.
О́tken aptada Qazaqstanda áleýmettik mańyzy bar azyq-túlik taýarlary baǵasynyń jalpy ósý ındeksi 0,0% qurady. Qabyldanǵan sharalar esebinen ekinshi apta qatarynan kartop (-0,4%), pııaz (-1,3%) jáne sábiz (-2%) baǵasynyń tómendeýi baıqalady. Bir apta ishinde qyryqqabat baǵasynyń ósý qarqyny 0,1%-ǵa deıin tómendedi.
О́ńirlerde «aınalym shemasyn» qarjylandyrý 47,9 mlrd teńgege jetti. Nysanaly deńgeı 95,7%-ǵa qamtamasyz etildi. «Aınalym shemasy» boıynsha tıimdi jumys Nur-Sultan, Almaty jáne Shymkent qalalarynda, Almaty, Shyǵys Qazaqstan, Batys Qazaqstan, Qostanaı, Soltústik Qazaqstan jáne Túrkistan oblystarynda baıqalady.
О́tken aptada Básekelestikti qorǵaý jáne damytý agenttigi baǵa belgileý boıynsha básekelestikke qarsy sóz baılasqan is-áreketter belgileri boıynsha Aqmola, Pavlodar, Soltústik Qazaqstan jáne Qaraǵandy oblystarynda taýyq jumyrtqasyn ótkizýdi júzege asyratyn 7 qus fabrıkasyna qatysty tergeýdi bastady.
Taýyq jumyrtqasy, qus eti jáne qant naryǵy sýbektilerine baǵalyq sóz baılasý belgileriniń bolýyna jáne túrli baǵalardy qoldanýyna qatysty 12 habarlama jiberildi.
Shyǵys Qazaqstan oblysynyń kóterme jetkizýshisimen monopolııaǵa qarsy komplaenstiń 1 aktisi jasaldy. Jalpy, respýblıka boıynsha óndirýshilermen, kóterme jetkizýshilermen jáne saýda jelilerimen monopolııaǵa qarsy komplaenstiń 140 aktisi jasaldy.
Premer-Mınıstr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý, sondaı-aq ınflıasııanyń jalpy deńgeıin 8,5% sheginde ustap turý boıynsha jumysty jalǵastyrýdy tapsyrdy.
О́ńirler ákimdikterine «aınalym shemasy» boıynsha qarjylandyrýdy usynylǵan kólemderge jetkizý, azyq-túlik boıynsha bes aılyq qordy qamtamasyz etý, saýda jelileri men óndirýshiler arasynda forvardtyq kelisimsharttar jasasýdy ýaqytyly uıymdastyrý tapsyryldy.
