Elordada osy jyldyń kúz aıynyń sońyna deıin analogty teledıdardy tolyǵymen óshirip, sıfrlyqqa kóshirý josparlanýda. Bul jumys sıfrlyq efırlik telehabar taratýdy engizý jónindegi jobany iske asyrýdyń tórtinshi kezeńi sheńberinde júrgizilýde.
Búginde elimizdiń Mańǵystaý, Jambyl, Túrkistan, Almaty, Pavlodar, Qostanaı, Soltústik Qazaqstan oblystary, Almaty jáne Shymkent qalalary sııaqty óńirlerinde eskirgen telehabarlar tolyǵymen óshirildi.
Jobany iske asyrýdyń tórtinshi kezeńi aıasynda 2021 jyldyń 1 jeltoqsanyna deıin Nur-Sultanda analogtyq teledıdardy tolyǵymen óshirý josparlanýda. Sıfrlyq efırlik telehabar taratý jelisi boıynsha elorda turǵyndary men qonaqtaryna sıfrlyq sapada 25 telearna qoljetimdi, onyń ishinde: Qazaqstan, Habar HD, Habar 24, BALAPAN, El Arna, Kazakh TV, ABAI TV, Eýrazııa birinshi arnasy, Astana, Qazsport HD, MIR, KTK, NTK, Jetinshi arna, 31 arna, STV, Almaty, Talim TV, Atameken Business, Turan TV, Hit TV, Gakku Media, MuzLife, Toı dýman jáne Novoe televıdenıe.
Sandyq TV-ǵa kóshý arnalar sanynyń kóbeıýine jol ashady. Sonymen qatar, SETV sýret pen dybystyń joǵary sapasyn qamtamasyz etedi. Munda "analogtan" aıyrmashylyǵy keskin úzilmeıdi, dybys joǵalmaıdy. Bul spýtnıktik nemese kabeldik teledıdarmen birdeı, biraq sandyq efırlik habar taratý múldem tegin ekendigimen erekshelenedi.
Oǵan qosylý úshin teledıdar DVB-T2 sandyq taratý standartyn qoldaıtynyna kóz jetkizý kerek, abonent tek desımetrlik antennany qosýy kerek. Eger teledıdarlar DVB-T2 standartyn qoldamasa, onda sandyq sıgnal qabyldaǵyshyn satyp alý kerek.
