Aımaqtar • 15 Qarasha, 2021

Almatyda karantın talaptary jeńildeıdi

150 ret

kórsetildi

1 mın

oqý úshin

Almaty apta sońyna deıin koronavırýstyń taralý qarqyny boıynsha «jasyl» aımaqta qalsa, karantın sharalary jeńildetilýi múmkin, dep habarlaıdy Egemen.kz.

Gaýhar QAPASh

Almaty 14 qarashadan bastap «jasyl» aımaqqa ótti. Almaty qalasy sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylovtyń aıtýynsha, koronavırýs taralýy boıynsha jaǵdaı odan ári turaqtalsa, qala jeti kún ishinde «jasyl» aımaqta bolsa, 21 qarashadan bastap Almatyda «jasyl» aımaqqa saı jumys rejımi engiziledi.

Eger qala «jasyl» aımaqqa aýyssa, Ashyq nysandarynyń jumys ýaqyty eki saǵatqa artady. «Ashyq kóshbasshylary» 05.00-ge deıin, basqa Ashyq músheleri 03.00-ge deıin jumys isteıdi. Sondaı-aq, Ashyq nysandaryna kelýshiler sany artady.

Túrli is-sharalardy ótkizý erejeleri de ózgeredi. Kelýshiler men qyzmetkerlerde «jasyl» mártebe bolǵan kezde:

saltanatty, estelik, otbasylyq is-sharalardy (banketter, úılený toılary, mereıtoılar) ótkizý - 50 paıyzǵa deıin, biraq 100 orynnan aspaıtyn;
adam kóp jınalatyn konferensııalar, forýmdar, oıyn-saýyq jáne ózge de is-sharalar ótkizý - 50 paıyzǵa deıin, biraq 100 orynnan aspaıtyn;
kórmeler - bir ýaqytta 70 paıyzdan artyq emes, biraq 500 adamnan aspaıtyn;
kórermenderdiń qatysýymen sporttyq is-sharalar - 80 paıyzdan aspaıtyn.

Eske salaıyq, 15 qarashada Almaty koronavırýs jaǵdaıy boıynsha «jasyl» aımaqta qaldy.