Mınıstrler kabınetiniń basshysy bul máselede elimizde bolyp jatqan demografııalyq prosesterge nazar aýdarý qajet ekenin atap ótti.
«Sońǵy on jylda bala týý sany eki esege artty, sáıkesinshe, oqý oryndarynyń sany múldem basqasha. Osyǵan baılanysty biz bes jyl ishinde myń mektep salyp bitirýimiz kerek. Iаǵnı, jyl saıyn 200 mektepteı», dedi Asqar Mamın BAQ ókilderimen kezdesýde.
Premer búgingi tańda elimizde bilim berý salasynyń ózinde ınvestısııalyq tartymdy bola bastaǵan mehanızm qurylǵanyn aıtty.
«Bıyl 160 jekemenshik mektep salynady. Iаǵnı, jeke kapıtal búginde bilim berý jobalaryn qarjylandyrady. Olar óz ınvestısııalaryn jan basyna qarjylandyrý arqyly óteıdi. Mundaı kóptegen modelder bar. Biz bıyl 300-ge jýyq mektepti iske qosamyz. Bizdiń aldymyzda turǵan mindet - bes jyl ishinde myń mektep, meniń oıymsha, biz ony júzege asyryp jatyrmyz», dep sendirdi Asqar Mamın.
Premer-Mınıstr bilim berý sapasy týraly umytpaý mańyzdy ekenin atap ótti. Búgingi tańda muǵalim mamandyǵynyń bedelin arttyrý boıynsha jumys júrgizilýde jáne bul mamandyqqa myqty túlekter barady. Bilim berý eldiń básekege qabilettiliginiń basty máselesi.
