Aımaqtar • 15 Qarasha, 2021

Almaty oblysynda bir otbasy kóligimen batpaqqa batyp ketti

251 ret

kórsetildi

1 mın

oqý úshin

Almaty oblysynda Úshtóbe qalasyna barar jolda batpaqty sýǵa batyp ketken kólik tabyldy, dep habarlaıdy Egemen.kz.

Gaýhar QAPASh

Almaty oblysynda bir otbasy kóligimen batpaqqa batyp ketti

Bul týraly Instagram jelisindegi paraqshalardyń birinde habarlandy.

Aldyn ala boljam boıynsha olar Almaty qalasynan shyqqan. Al Taldyqorǵan degen jazýy bar mańaıdan ótkennen keıin baılanys úzilgen. О́zge málimetter áli anyqtalyp jatyr. Jergilikti turǵyndardyń habarlaýynsha bul otbasy 14 qarashadan bastap iz-túzsiz joǵalyp ketken.

«Kesheden beri iz-tússiz joǵalyp ketken bir otbasynyń adamdary, Úshtóbe trassasynyń boıyndaǵy batpaqtyń ishinen avtokólikpen birge tabyldy. Úsh adam mert boldy», dep jazylǵan Instagram paraqshada.

Keıinirek osy topta kóliktiń Úshtóbege bara jatqan jolda aýdarylǵan kúıi batpaqty sý toǵanynan tabylǵany habarlandy. Almaty oblystyq Polısııa departamentiniń málimetinshe, 15 qarashada Taldyqorǵan qalalyq polısııa bólimine 27 jastaǵy Qaratal aýdanynyń turǵyny 14 qarasha saǵat 17.00 shamasynda «Skoda Superb» markaly kólikpen ata-anasy men ápkesi jolǵa shyǵyp ketip, iz-túzsiz joǵalǵanyn aıtqan.

«Sol kúni polısııa qyzmetkerleri «Taldyqorǵan-Úshtóbe» tasjolynan aýdarylǵan «Skoda Superb» kóligin tapty.

Aldyn ala málimet boıynsha, 60 jastaǵy júrgizýshi rýldi ıgere almaı, aýdarylǵan. Jol apaty saldarynan júrgizýshi men ondaǵy 47 jáne 19 jastaǵy jolaýshylar oqıǵa ornynda mert bolǵan.

Qazirgi ýaqytta QR QK 345-baby 4-bóligi boıynsha sotqa deıingi tergeý amaldary júrip jatyr. Oqıǵanyń mán-jaıy anyqtalýda», dedi Almaty oblystyq polısııa departamentiniń baspasóz qyzmetinen.