«Úzdik JOO-lar syrtqy baqylaýdyń ártúrli túrlerinen bosatylatyn bolady. Bilim berý sapasyn arttyrý boıynsha júıeli jumys júrgiziletin bolady. «Bilimdi ult» ulttyq jobasynda bilim berý júıesin odan ári damytýdyń negizgi vektorlary aıqyndaldy. Biz jumysty jalǵastyratyn bolamyz», dep sendirdi QR BǴM basshysy Úkimet otyrysynda.
Mınıstrdiń málimetinshe, elimizde bilim berý júıesinde memlekettik baqylaý kúsheıtildi.
«Tekserýler júzege asyrylady. Sapasyz bilim beretin joǵary oqý oryndaryn jabý úshin 500-ge jýyq sot prosesine qatysyp, 300 ákimshilik is júrgizdi. Lısenzııalar da qaıtaryldy. Al buǵan deıin 86 joǵary oqý orny oqytýshylardy daıarlaǵan bolsa, qazir tek 50 joǵary oqý orny ǵana muǵalimderdi daıarlaıdy», dedi Aımaǵambetov.
Ol sońǵy jyldary granttar sany eki esege artqanyn atap ótti. 2025 jylǵa qaraı bul kórsetkishti 75 myń grantqa deıin jetkizý josparlanyp otyr. Stýdentterge stıpendııa mólsheri aıtarlyqtaı ósti. Pedagogterdiń jalaqysy da eki esege artty.
