Elbasy • 16 Qarasha, 2021

Nursultan Nazarbaev Baýyrjan Baıbekti qabyldady

324 ret

kórsetildi

1 mın

oqý úshin

Nur Otan partııasynyń Tóraǵasy Nursultan Nazarbaev Baýyrjan Baıbekti qabyldady, dep habarlaıdy Egemen.kz.

Gaýhar QAPASh

Nursultan Nazarbaev Baýyrjan Baıbekti qabyldady

Kezdesý barysynda Nursultan Nazarbaevqa Nur Otan partııasy saıası keńesiniń keńeıtilgen otyrysyna daıyndyǵy baıandaldy.

Baýyrjan Baıbek Elbasyna óńirlerge jumys saparlarynyń qorytyndylary, sondaı-aq, Nur Otan partııasynyń máslıhattardaǵy fraksııalarynyń saılaýaldy baǵdarlamalaryn oryndaý jónindegi otyrystarynyń nátıjeleri týraly aqparat berdi.

«Bir jyl ishinde bizdiń fraksııa Májiliste Úkimet músheleriniń qatysýymen úsh otyrys ótkizdi. Jumys buryn bekitilgen josparlarǵa sáıkes júrgizilip jatyr. Sonymen qatar, 2025 jylǵa deıingi «Jastar-Otanǵa!» baǵdarlamasy aıasynda 20 paıyz is-shara júzege asyryldy», dedi Nur Otan tóraǵasynyń birinshi orynbasary.

Baıbek «Jastar–Otanga!» halyqaralyq forýmyn ótkizý nátıjeleri, 15 eldiń ókiliniń qatysýymen halyqaralyq partııa forýmyn uıymdastyrý josparlary týraly aıtty.

Nursultan Nazarbaev partııanyń ortalyq apparaty men óńirlik fılıaldaryna saıası keńestiń keńeıtilgen otyrysyn ótkizýge sapaly daıyndyqty jalǵastyrýdy tapsyrdy.

Buǵan deıin Nazarbaev 23 qarashada ótetin partııanyń saıası keńesiniń keńeıtilgen otyrysyn shaqyrý týraly Qaýlyǵa qol qoıǵany habarlandy.