Vedomstvo málimetinshe, Mańǵystaý oblysynda qaramaǵyndaǵy qyzmetkerlerdiń sybaılas jemqorlyǵy úshin birqatar memlekettik organ basshylary tártiptik jaýapkershilikke tartylǵan.
Qaıtalama quqyq buzýshylyqtardy boldyrmaý maqsatynda QR QPK-niń 200-babynyń normalaryn basshylyqqa ala otyryp, memlekettik organdar men uıymdarǵa 33 usynys engizilgen. Nátıjesinde, sybaılas jemqorlyqqa qarsy qazirgi saıasattyń negizgi baǵyttaryn túsindire otyryp, qylmys jasalǵan uıymdarda 24 laýazymdy tulǵa túrli tártiptik jaýapkershilikke tartylǵan.
«Qaramaǵyndaǵy qyzmetkerleri laýazymdyq qyzmet babyn asyra paıdalanyp para alǵany úshin Aqtaý qalalyq Polısııa basqarmasy basshysynyń orynbasary sógis túrinde, Qorǵanys ister jónindegi departamenttiń bastyǵyna qatań sógis, orynbasaryna qyzmetine tolyq sáıkes emestigi jóninde eskertý, Beıneý aýdandyq Polısııa bólimi bastyǵyna qatań sógis jáne onyń orynbasaryna qyzmetine tolyq sáıkes emestigi jóninde eskertý túrinde tártiptik jaýapkershilikke tartyldy», dedi sybaılas jemqorlyqqa qarsy qyzmet departamenti basshysynyń birinshi orynbasary Qýanysh Myrzaǵalı.
