О́tken aptada oblysqa Pfizer vaksınasynyń alǵashqy 35 100 dozasy jetkizilgen bolatyn. Atalǵan vaksına júkti jáne bala emizip júrgen áıelderge, 12-18 jas aralyǵyndaǵy jasópirimderge arnalǵan. Búginde aımaqta atalǵan kategorııada 120 myńǵa jýyq azamat bar, onyń 85 myńdaıy – jasóspirimder.
О́skemendegi №1 emhanada mektep, kolledj oqýshylary óz erikterimen, ata-analarynyń kelisimimen ekpe alýǵa kezekke turǵan. Uzyn sonar kezek... Egýge mashyqtanǵan medbıkeler jasóspirimderdi kezegimen kirgizip, indetke qarsy egip jatty. Ekken soń sý tıgizbeý kerektigin jáne eskertip otyrdy.
– 15 qarashadan Shyǵys Qazaqstan aýmaǵynda 16-18 jas aralyǵyndaǵy balalarǵa egý jumystary bastaldy. Sonymen qatar Pfizer vaksınasy 16-37 apta aralyǵyndaǵy júkti áıelderge egile bastady. Bala emizip júrgen áıelder bosanǵandaryna 42 kún bolǵan soń ǵana ekpe ala alady. 15 qarasha kúni №1 emhanada 12 jasóspirim ekpe aldy. Báriniń jaǵdaıy jaqsy, – deıdi О́skemen qalalyq №1 emhanasynyń bas dárigeri Aıman Bolatqyzy.
Dárigerlerdiń aıtýynsha, AQSh pen Izraılde tájirıbeden ótkizilgen Pfizer vaksınasy óte tıimdi, ári qaýipsiz. Keıbir memleketterde ekpeni 5 jastaǵy balalarǵa da alyp jatqan kórinedi. Al Qazaqstanda 12 jastan bastap egiledi. Deı turǵanmen, densaýlyq saqtaý salasynyń mamandary alǵashynda 16 jastan asqan balalardy vaksınalaýdy jón kórgen. Atap óteıik, balalar jáne jasóspirimderge ekpe salý mindetti túrde ata-anasynyń nemese zańdy ókildiń ruqsatymen ǵana júrgiziletin prosedýra.
Ekpe alyp shyqqan jasóspirimder dárigerdiń qaraýynda jarty saǵattaı bolady. Sodan keıin ǵana úılerine qaıtarylady. Ol úshin emhanalarda arnaıy bólme jabdyqtalǵan. Tipti ystyq shaıǵa deıin usynylady.
– Vaksına alýǵa ata-anamnyń ruqsatyn alyp, óz erkimmen kelip otyrmyn. Álemdi jaılaǵan indettiń qandaı qaýipti ekenin bilemiz. Bilgen soń da koronovırýs ınfeksııasyna qarsy ekpe alýǵa keldik, – deıdi О́skemen joǵarǵy medısınalyq kolledjiniń 1 kýrs oqýshysy Dılnaz Aıdynqyzy.
Búgingi tańda oblys boıynsha 12 jastan 18 jasqa deıingi 1100-den astam balanyń ata-anasy ekpe alýǵa kelisim bergen. Birinshi kezeńde 16 – 18 jas aralyǵyndaǵy jasóspirimder, sodan keıin 12 – 15 jas aralyǵyndaǵy oqýshylar vaksınalanady. Sondaı-aq 82 júkti, 217 bala emizetin áıel vaksına alýǵa kezekke turǵan.
Oblystyq densaýlyq saqtaý basqarmasy basshylarynyń aıtýynsha, vaksınanyń qaýipsizdigi men tıimdiligin qamtamasyz etý úshin belgili temperatýradaǵy termokonteınerlerde ǵana tasymaldanady.
Eskerte keterligi, Shyǵys Qazaqstan «jasyl» aımaqta bolǵanymen, koronovırýs indetine shaldyǵyp jatqandar az emes. Sońǵy táýlikte 42 adamnan anyqtalǵan. Onyń 39-y sımptomdy bolsa, úsheýi sımptomsyz. Stasıonarlarda jalpy 566 naýqas em alyp jatyr. Oblys boıynsha tósek qorynyń júktemesi 15%-dy qurap otyr. О́tken táýlikte 16 pasıent tolyqtaı saýyǵyp shyqqan. Qalaı degenmen, karantındik sharalardy saqtanýymyz shart.
Shyǵys Qazaqstan oblysy
