16 qarashada aıaqtalǵan irikteýdiń nátıjesi boıynsha óz toptarynda birinshi oryn alǵan Germanııa, Danııa, Belgııa, Fransııa, Horvatııa, Ispanııa, Serbııa, Anglııa, Nıderland jáne Shveısarııa quramalary 2022 jylǵy álem chempıonatynda oınaıtyn boldy. Al óz tobynda ekinshi orynǵa taban tiregen Portýgalııa, Shvesııa, Italııa, Ýkraına, Ýels, Shotlandııa, Túrkııa, Reseı, Polsha, Soltústik Makedonııa men Ulttar lıgasynan Aýstrııa men Chehııa fýtbolshylary elektik oıyn ótkizip, qosymsha joldamany sarapqa salady.
Aıta keteıik, buǵan deıin Ońtústik Amerıka qurlyǵynan Brazılııa men Argentına quramalary Qatarǵa baratyndardyń qataryn tolyqtyrǵan edi. Jarys qojaıyndaryn qosa eseptegende búginge deıin álem birinshiligine qatysatyn 32 quramanyń 13-i belgili.
