«Sońǵy úkim»

Fılm qazaqtyń kór­nek­ti aǵartýshy-ǵalymy, qoǵam qaı­ratkeri Ahmet Baıtur­sy­novtyń 150 jyldyq mereıtoıyna arnalǵan. Kartınanyń sıý­jeti Ahmet Baıtursynov ómiriniń barlyq kezeńin qam­tıdy.

Túsirilim tobyn Erlan Nur­­­muhambetov pen Ergen Toq­­mýrzın basqarady. E.Nur­muhambetov «Jańǵaq aǵa­shy» fılmi úshin Pýsan halyqaralyq kınofestıvali (Ońtústik Koreıa) «Jańa aǵym­dar» seksııasynyń Gran-prıin ıelengen. Rejısserdiń «Ýaqyt joldary» atty sońǵy kartınasy da osy jyly Fransııada prokatqa shyqty. Onyń serik­tesi Ergen Toqmýrzın kóptegen derekti fılmniń qoıýshy re­jıs­seri bolǵan.

Basty rólde – Qazaqstannyń eńbek sińirgen qaıratkeri Azamat Satybaldy. Burynǵy tergeý ızolıatorynyń ǵıma­ratynda jaıǵasqan túsirilim alańynda belgili akter bolashaq fılm týraly az-kem oıyn bildirdi. «Bul – ult ustazy Ah­­met Baıtursynov týraly fılm. Onyń ómiri, qoǵam­daǵy isteri jáne eń bastysy, onyń kúresi týraly. Bul mem­lekettiń arnaıy tapsyrysymen túsirilip jatqan úlken joba. Baıtursynov – bizdiń maqtanyshymyz. Meniń oıymsha, bizdiń jas urpaqtyń boıyndaǵy otanshyldyq se­zimdi ushtaý úshin osyndaı maz­mundaǵy fılmderdi kóp túsirgenimiz durys. О́ıtkeni Ahmet Baıtursynovtyń alasapyran ýaqytqa qaramaı ult úshin atqarǵan eńbegi, Alash Orda qaıratkerleriniń erligi – búgingi kúni kezdespeıtin batyldyq. Sondyqtan sol kezdegi oqıǵalardy búgingi kó­rermenge kórsetýdiń, olar­dyń ónegeli isterin búgingi urpaqqa úlgi etýdiń barlyq múmkindigi qarastyrylýy kerek», – deıdi akter.

Sondaı-aq kartınada Naz­gúl Qarabalına, Aleksandr Bagrıansev jáne Erlan Káribaev sekildi belgili akterler boı kórsetedi.

Fılm negizinen Almaty qalasy men Shyǵys Qazaqstan oblysynda túsiriledi. Qoıýshy operator – Mars Omarov. Bas prodıýser – Dastan Atyǵaev. Sse­narıı avtory – Ǵalym Dosken. Jyl sońyna deıin avtorlar 14 aýysymdy túsirýdi jos­parlap otyr. Fılmniń negizgi bóligi kelesi jyly túsi­riledi. Kartınany Folklore media JShS shyǵarady.

ALMATY