«Álemde shıkizattyń jáne kólikpen tasymaldaý baǵasy ósýiniń jalǵasýy jahanda ınflıasııalyq qysymdy saqtap otyrǵanyn da atap ótken jón. Bıylǵy qazanda ósimdik maıy, bıdaı ónimderi men sút ónimderi qymbattaýy esebinen FAO azyq-túlik baǵalarynyń ındeksi 3 paıyzǵa ósip, 133,2 tarmaqqa jetti. Metaldar shamamen 1,5 ese qymbattady. Konteınerler jetispeýinen qurǵaq júkti tasymaldaý quny (Baltic Dry Index) 2020 jylǵy mamyrdan bastap 7 ese ósti. Nátıjesinde óndirýshiler óniminiń ózindik qunynyń ósýi tutyný baǵalaryna aýysady», dedi «2022-2024 jyldarǵa arnalǵan respýblıkalyq bıýdjet týraly» zań jobasy týarly baıandaǵan Erbolat Dosaev.
Onyń atap ótýinshe, atalǵan syrtqy faktorlar Qazaqstanda da atalǵan salaǵa tıisti ónimder baǵasynyń ósýine ákeledi. Sondaı-aq, bul faktorlar eldegi ınflııasııanyń ósýine ishki faktormen teń dárejede áser etedi.
«Bıylǵy 2-jartyjyldyqtan bastap Qazaqstanda ınflıasııa tutynýshylyq belsendiliktiń tez qalpyna kelýi, ekonomıkany fıskaldyq yntalandyrýdyń jalǵasýy jáne jekelegen taýar naryqtaryndaǵy dısbalanstar nátıjesinde ósti», dedi Ulttyq bank tóraǵasy.
