«Qazaqstanda ınfraqurylymdyq jobalarǵa kóp qarajat bólinedi. Bıyl respýblıka boıynsha «Nur-Sultan - Qaraǵandy-Almaty», «Taldyqorǵan-О́skemen», «Aqtóbe-Aqtaý-Astrahan», «Qalbataý-Maıqapshaǵaı-Úsharal-Dostyq» avtojoldary salynýda. Bizge avtomobıl joldarynyń sapasyn arttyryp, zamanaýı sıfrlyq tehnologııalardy engizý qajet», dedi QR Indýstrııa jáne ınfraqurylymdyq damý vıse-mınıstri Berik Kamalıev kórmeniń ashylýynda.
Budan basqa, is-shara sheńberinde avtomobıl joldaryn salý jáne paıdalaný sapasyn arttyrý máseleleri boıynsha konferensııalar ótedi. Kórmeniń ekspozısııasy jol jáne aerodrom jabyndaryn salý, jóndeý, kútip ustaý boıynsha zamanaýı tehnologııalardy óndirý men engizýdi júzege asyratyn kompanııalarmen usynylǵan.
Is-sharaǵa Qazaqstan Respýblıkasy, Reseı Federasııasy, Belarýs, Ýkraına, Germanııa, Fransııa, AQSh kásiporyndary qatysady. Al Túrkııa ekspozısııasy bólek usynylady. Kórmege avtomobıl joldaryn jóndeý jáne paıdalaný qurylysynyń sapasyn baqylaýdy qamtamasyz etý úshin Qazaqstan Úkimeti qurǵan jol aktıvteri sapasynyń ulttyq ortalyǵy da qatysady. Is-shara QR Indýstrııa jáne ınfraqurylymdyq damý mınıstrliginiń qoldaýymen uıymdastyryldy.
