Prezıdenttik olımpıada jeńimpazdaryna 20 grant bólindi

Mektep oqýshylary arasyndaǵy Prezıdenttik olımpıada 15-18 qarasha aralyǵynda jaratylystaný-matematıkalyq sıkl pánderi boıynsha ótti. Olımpıada qorytyndysy boıynsha 48 oqýshy jeńimpaz jáne júldeger atandy. QR BǴM I dárejeli dıplommen 11 oqýshy, II dárejeli dıplommen 15 oqýshy jáne III dárejeli dıplommen 22 oqýshy marapattaldy.

«Bilim jáne ǵylym mınıstrligi Memleket basshysynyń tapsyrmasy boıynsha daryndy balalardy qoldaý boıynsha sharalar qabyldaýda. Bıyl 20 qazaqstandyq JOO rektorlary Prezıdenttik olımpıadanyń jeńimpazdary men júldegerlerin qoldaýǵa sheshim qabyldap, olarǵa arnaıy granttar bóldi. Bul olımpıadany ótkizý kezinde daryndy balalardy marapattaýdyń buryn-sońdy bolmaǵan sharasy. Mundaı qoldaý daryndy balalardyń áleýetin iske asyrýǵa jáne elimizdiń adamı kapıtalyn damytýǵa qomaqty úles qosýǵa múmkindik beredi. Oqýshylar QR BǴM dıplomdaryn, medaldar men qazaqstandyq joǵary oqý oryndarynda bilim alý sertıfıkattaryn aldy. Bizdiń oqýshylarymyzdyń nátıjeleri el ishindegi olımpıadalarda da, túrli halyqaralyq olımpıadalarda da jaqsaryp kele jatqanyn atap ótken jón», dep atap ótti «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshov.

Eske sala ketsek, HIV Prezıdenttik olımpıadanyń respýblıkalyq kezeńi E.A. Bóketov atyndaǵy Qaraǵandy ýnıversıtetiniń bazasynda ótti. Zııatkerlik baıqaýǵa elimizdiń barlyq óńirlerinen óńirlik jáne irikteý týrlarynyń nátıjesinde iriktelgen 182 oqýshy qatysty. Oqýshylarǵa matematıka, fızıka, hımııa jáne bıologııa pánderi boıynsha tapsyrmalar berildi. Prezıdenttik olımpıadaǵa qatysýshylardyń jumysyn Qazaqstannyń jetekshi joǵary oqý oryndarynyń halyqaralyq olımpıadalarynyń jeńimpazdary men júldegerleri jáne PhD baǵalady. Barynsha ashyqtyqty qamtamasyz etý úshin konkýrs onlaın túrde kórsetildi.

Prezıdenttik olımpıadanyń jeńimpazdary men júldegerlerine granttar bergen 20 JOO tizimi:

1. E. A. Bóketov atyndaǵy Qaraǵandy memlekettik ýnıversıteti,
2. S. Amanjolov atyndaǵy Shyǵys Qazaqstan ýnıversıteti,
3. Satbayev Ýnıversıteti,
4. S. О́tebaev atyndaǵy Atyraý munaı jáne gaz ýnıversıteti,
5. M. Áýezov atyndaǵy Ońtústik Qazaqstan ýnıversıteti,
6. H. Dosmuhamedov atyndaǵy Atyraý ýnıversıteti,
7. Rýdnyı ındýstrııaldyq ınstıtýty
8. Qorqyt Ata atyndaǵy Qyzylorda memlekettik ýnıversıteti
9. Q. Jubanov atyndaǵy Aqtóbe óńirlik ýnıversıteti,
10. Pavlodar pedagogıkalyq ýnıversıteti,
11. Y. Altynsarın atyndaǵy Arqalyq pedagogıkalyq ınstıtýty,
12. NARXOZ ýnıversıteti,
13. Qazaqstan-Brıtan tehnıkalyq ýnıversıteti,
14. M.S. Nárikbaev atyndaǵy KazGIýÝ ýnıversıteti,
15. Almaty Menedjment Ýnıversıteti,
16. Ońtústik Qazaqstan memlekettik pedagogıkalyq ýnıversıteti,
17. Sh. Ýálıhanov atyndaǵy Kókshetaý memlekettik ýnıversıteti,
18. M. Dýlatov atyndaǵy Qostanaı ınjenerlik-ekonomıkalyq ýnıversıteti,
19. Kaspıı qoǵamdyq ýnıversıteti,
20. Qoja Ahmet Iаsaýı atyndaǵy Halyqaralyq qazaq-túrik ýnıversıteti.