El chempıony, sondaı-aq bıylǵy kýbok ıegeri О́skemenniń «Altaıy» men Qazaqstan kýbogynyń fınalısi taldyqorǵandyq «Jetisý» alańǵa shyqty. Serbııalyq maman Marko Grshıch jattyqtyratyn óskemendik qyzdar (komanda kapıtany Sana Anarqulova) alǵashqy partııada basymdyq tanytty – 25:16. Ekinshi sette Elena Pavlovanyń shákirtteri esepti teńestirdi – 25:21. Degenmen budan keıin «Altaı» qarsylastaryna des bergen joq – 25:19, 25:17. Jalpy esep – 3:1. Osylaısha óskemendikter besinshi ret sýperkýbokty utyp aldy. Bul – olardyń bıylǵy tórtinshi júldesi.
«Altaı» buǵan deıin chempıondyq pen kýbokqa qosa Azııa klýbtyq birinshiliginde de úzdik shyqqan bolatyn. «Altaı» jańa maýsymdy da sátti bastap, 1-týrda jeti oıynnan keıin 21 upaımen jeke-dara birinshi orynǵa shyqty.
Taldyqorǵandyqtar 6 kezdesýden 15 upaı jınap, ekinshi satyda qaldy.
