Memleket basshysy bul alańǵa úlken kóńil bóledi. О́ıtkeni Keńestiń otyrysyna ózi tikeleı tóraǵalyq etip keledi. Ulttyq qoǵamdyq senim keńesiniń múshelerimen tikeleı baılanysa otyryp, olardyń pikirlerin tyńdap, memlekettik organdardyń pysyqtaýyna jiberedi. Keńestiń altynshy otyrysynda Prezıdent Qazaqstanda iske asyrylyp jatqan barlyq reforma naqty nátıjege qol jetkizýi tıis ekenin atap ótti.
Olardyń kóbi aımaqtardy damytýmen, azamattardy áleýmettik qoldaýmen baılanysty. Atap aıtqanda, aýyl ákimderin saılaýdyń jańa tetikteri týraly. Aýyl ákimdigine kandıdattarǵa qoıylatyn joǵary bilim týraly talapty qaıta qaraý usynyldy. Bilim beretin mekemelerde oqýshylar men muǵalimderdiń qaýipsizdigin qamtamasyz etýge arnalǵan sharalar sóz boldy.
«Kez kelgen adamnyń básekege qabileti onyń bilim deńgeıine tikeleı baılanysty. Árbir azamattyń ómir boıy sapaly bilim alýyna qajet jaǵdaı jasaý – memlekettiń mindeti. Mektepterde, kolledjder men joǵary oqý oryndarynda qaýipsizdikti saqtaý ózekti másele bolyp tur. Biz oqýshylar men stýdentterdi kez kelgen qaýip-qaterden qorǵaýǵa tıispiz. Bilim berý mekemelerindegi qaýipsizdik júıesine biryńǵaı talap qoıylýy qajet. Sol úshin bárine ortaq ereje ázirleý kerek», dedi Memleket basshysy Qasym-Jomart Toqaev.
Sonymen qatar memlekettik bilim granttaryn bólýdiń jańa júıesi týraly máseleni qaraý usynyldy. Bul joǵary oqý oryndary arasyndaǵy básekelestikti arttyrýǵa tıis. Sıfrlandyrýmen baılanysty máseleler de aıtyldy. Memleket basshysy bul negizgi basymdyqtardyń biri ekenin atady. Júıeli sıfrlandyrý halyqtyń ómir súrý sapasyn jáne memlekettik qyzmetterdi usyný jedeldigin aıtarlyqtaı jaqsartýǵa múmkindik beredi.
Maksım SPOTKAI,
Ulttyq qoǵamdyq senim
keńesiniń múshesi
