О́tken sársenbide 12 vagony bar shapshań júretin poıyz synaqtan sátti ótkeni belgili boldy. Júrgizýshisi poıyzdy avtomatty rejimge ótkizgen soń, temir tulpar múlt ketken joq. Bul poıyzdar E7 nusqasy retinde jasalǵan. Ol dıspetcherlik pýnktten qashyqtan basqarylady.
Bul – Japonııada óte shapshań júretin poıyzdyń avtonomdyq jumysynyń alǵashqy synaǵy. Basty maqsat – mashınıssiz júretin poıyzdy qoldanysqa engizý. Áıtse de, synaq kezinde qandaı da bir tótenshe jaǵdaıǵa jol bermes úshin lokomotıvke birneshe júrgizýshi men qyzmetker mindi.
Poıyz Nııgata stansasynan 5 shaqyrym alystaǵan soń, jyldamdyǵyn saǵatyna 110 shaqyrymǵa deıin ulǵaıtyp, Sınkansen Nııgata vokzalynda toqtady. Vagondar josparly orynǵa 8 santımetrge jetpeı qalǵan. Biraq kompanııa ókilderiniń aıtýynsha, muny qalpyna keltirý ońaı. О́ıtkeni 50 santımetrge deıingi aralyqta aýytqýlardyń alǵashqy synaqta bolýy qalypty jaǵdaı.
East Japan Railway kompanııasynyń resmı ókili avtonomdy poıyzdyń toqtaý ádisi mashınıst jumysyna «teń keletinin» aıtyp, kompanııa ony áli de jetildirý jumystaryn júrgizetinin jetkizdi. Japonııada temir jolda avtomatty basqarý júıeleri jerdegi jáne ótkelderi joq keıbir monorelsti joldarǵa engizilgen.
