Respýblıkalyq forýmnyń ashylý saltanatyna Jambyl oblysynyń ákimi Berdibek Saparbaev qatysyp, elimizdiń Memlekettik hatshysy Qyrymbek Kósherbaevtyń quttyqtaý hatyn oqyp berdi. Sondaı-aq ákim jýyrda ǵana Taraz qalasynda boı kótergen «Anaǵa taǵzym» ortalyǵynyń jumysy árbir áıeldiń otbasyndaǵy rólin kúsheıtýge, salt-dástúrimizdi dáripteýge jáne bolashaq analardy tárbıeleýge baǵyttalatynyn jetkizdi. «Búgingi «Anaǵa taǵzym» forýmy sulýlyq pen izgiliktiń beınesi sanalyp, sondaı-aq tutas elimizdiń damýyna uıytqy bolar qazaqtyń anasy degen atqa laıyq, XXI ǵasyr áıeliniń qalyptasýyna óz úlesin tıgizedi dep oılaımyn. Qazaqta «Áke uldy tárbıeleıdi, ana tutas ultty tárbıeleıdi» degen qanatty sóz bar. Rasynda, ana balasyna bergen tárbıesi arqyly bolashaqtyń qalyptasýyna da yqpal etedi. Sizder elimizdiń damýy men órkendeýine, qoǵamdyq-saıası jáne rýhanı áleýetin iske asyrýǵa belsendi atsalysyp kelesizder. Qazirgi kezde bizdiń oblysymyzda 36 myń 629-dan asa kópbalaly ana bar bolsa, onyń 19 myń 212-si «Altyn alqa» jáne «Kúmis alqa» ıegerleri. «Atameken» kásipkerler palatasy janynan qurylǵan «Isker áıelder» keńesine 25-ten astam kásipker áıelder múshe. Oblystyń depýtattyq korpýsynyń 33 paıyzyn áıel-azamatshalar quraıdy. Qazaqtyń osyndaı myqty arýlary barda eldiń erteńine degen senimimiz arta túsetini sózsiz» dedi B.Saparbaev.
О́z sózinde Qazaqstan halqy Assambleıasy Respýblıkalyq Analar keńesiniń tóraıymy, elimizdiń Premer-Mınıstriniń keńesshisi Názıpa Shanaı is-sharanyń mańyzdylyǵyna toqtalyp, ana men balany qoldaý, otbasylyq qundylyqtardy nyǵaıtý jáne damytý – memlekettiń áleýmettik saıasatynyń basty baǵyttarynyń biri ekendigin aıtty. «Áıeldiń basty mıssııasy – dúnıege urpaq ákelý. Uıada bala ne kórse, úlken ómirge qanat qaǵyp ushqanda sony isteıdi. Bala tárbıesinde ananyń rólin aıtyp jetkizý múmkin emes», dedi ol.
Sondaı-aq qoǵam qaıratkeri Asyly Osman urpaq tárbıesi taqyrybynda sóz qozǵap, osy oraıda ótip jatqan forýmnyń erekshe máni bar ekenin jetkizdi. «Dál osy qoǵamda qazaqtyń boıyna bitken asyl qasıetteri bizden alshaqtap bara jatyr. Sol alshaqtyqtyń ornyn toltyrýǵa analar úlken úles qosady. Tálim-tárbıe ananyń aq sútimen, besik jyrymen balanyń boıyna darıdy. Uly tulǵalar da aq jaýlyqty analardyń tálimin alady. Meniń paıymymsha, búgingi qoǵamda eń aldymen, tárbıege basymdyq berý qajet. Ol – ulttyq tárbıe bolýǵa tıis. Iаǵnı bilim – álemdik, tárbıe – ulttyq bolǵany jón», dedi A.Osman.
Al qoǵam qaıratkeri, «Úsh baılyq» qoǵamdyq birlestiginiń tóraıymy Orazkúl Asanǵazyqyzy da óz sózinde qoǵamdaǵy tárbıe, til máselelerine toqtaldy. «Atadan – ósıet, anadan – qasıet» degen ataly sóz bar. О́ne boıy danalyqqa toly, aqyly darııadaı ata-ájelerimiz árbir shańyraqta, árbir óńirde bar. Qazaqtyń salt-dástúrin, ádet-ǵurpyn saqtaǵan otbasylar da jeterlik. Biz sondaı otbasylardy, qarııalarymyzdy qoǵamǵa, jastarǵa nasıhattaýymyz kerek», dedi O.Asanǵazyqyzy.
Jıynǵa qatysqan belgili aqyn, Memlekettik syılyqtyń laýreaty Aqushtap Baqtygereeva, Qazaqstan isker áıelderi qaýymdastyǵynyń prezıdenti Raýshan Sársembaeva, Túrkııa memleketiniń Býrsa aımaǵyndaǵy aýyl áıelderi qaýymdastyǵynyń tóraıymy Sermın Chakalyoglý, tanymal etnodızaıner, «Altyn orda» dızaın úıiniń negizin qalaýshy Yrza Tursynzada, Atyraý oblysy ákiminiń orynbasary Baqytgúl Hamenova, Qazaq ulttyq qyzdar pedagogıkalyq ýnıversıtetiniń rektory Gúlmıra Qanaı, qoǵam belsendisi, kópbalaly ana Altyn Kanıkar sóz alyp, qoǵamdaǵy áıel-ananyń róliniń mańyzdy ekenin, qazaq halqy árqashan anasyn syılap, qyzyna qurmet kórsetetinin aıtyp, ózderiniń usynystaryn bildirdi. Bul rette oblys ákimi B.Saparbaev aıtylǵan barlyq usynys nazarǵa alynatynyn aıtyp, «Anaǵa taǵzym» jobasy qurylysyn óz esebinen júzege asyrǵan kásipker-mesenat, «Araıstroımarket-2003» kompanııalar tobynyń basshysy Arman Edilbaev pen tennıs jáne gımnastıka ortalyǵyn salyp bergen kásipker, «TarazStroı2004» JShS basshysy Meıirbek Júnisovti marapattady. Jıyn sońynda «Anaǵa taǵzym» ortalyǵynyń dırektory Elmıra Myrza-ǵalı forýmnyń qorytyndy úndeýin oqydy. Odan ári forým jumysy tórt seksııa boıynsha jalǵasty. Sonymen qatar M.H.Dýlatı atyndaǵy Taraz óńirlik ýnıversıtetiniń «Ustaz» ınstıtýtynda Aqushtap Baqtygereevamen «Sińlige syr» atty stýdentterdiń kezdesý keshi ótti.
Jambyl oblysy
