Bul týraly Euronews agenttigi málim etti.
Kafe men meıramhanalar keshki saǵat 10-ǵa deıin jabylady, al dıskoteka men túngi klýbtar múlde jumysyn toqtatady. Odan bólek, jármeńke men rojdestvo bazarlaryn uıymdastyrýǵa ruqsat berilmeıdi.
Ekpe almaǵan bavarlyqtar karantınde bolady. Qoǵamdyq oryndarǵa tek ekpe alǵandar men kovıdpen aýyrǵandar ǵana barady. Bul shara asa qajet, sebebi aýrýhanalar koronavırýs juqtyrǵan naýqastarǵa tolyp ketken.
«Ekpe saldyrmaǵan adamdar basqalalardan aýyr zardap shegip jatqanyn senimmen aıtýǵa bolady», dedi Bavarııa premer-mınıstri Markýs Zeder.
13 mıllıonnan astam halqy bar Bavarııada 4,5 mıllıonnan astam turǵyn vaksına saldyrtqan. Bul eldegi eń tómen kórsetkishtiń biri. Germanııada halyqtyń 68%-y ekpe alǵan. Respýblıkadaǵy juqtyrý jaǵdaıy qarqyndy ósip keledi.
Juma kúni 53 myńǵa jýyq adamnan koronavırýs anyqtaldy, al beısenbi kúni bul kórsetkish 65 myńnan asqan. Jańa shekteý sharalary 24 qarashadan 15 jeltoqsanǵa deıin engizilmek.
