ShQO Tótenshe jaǵdaılar departamenti baspasóz qyzmetiniń málimetine súıensek, birinshi oqıǵa Rıdder qalasy Býtakovo aýylynda bolǵan. О́rtengen úıge kelip jetken qutqarýshylar 85 jastaǵy úı ıesiniń denesin tapty. Tilsiz jaýdyń shyǵýyna - peshti paıdalaný kezinde órt qaýipsizdigi erejesin saqtamaý sebep bolýy yqtımal.
«Al Shemonaıha qalasynyń 84 jastaǵy turǵyny úıinde elektr jylytqyshty qosyp, ony aǵash ústelge qoıǵan. Osynyń saldarynan órt shyǵyp, úı ıesi kóz jumdy», delingen aqparatta.
Sondaı-aq Ulan aýdanynda 33 jastaǵy er adam otqa oranǵan jer úıden shyǵa almaı, qaza boldy. О́rttiń shyǵý sebebi – otty abaısyz qoldaný delinip otyr.
