Jańa tehnologııalardy engizýdiń nátıjesinde Qaraǵandy tehnıkalyq ýnıversıtetinde oqyrmandar sany 17 myńǵa deıin artty. Bıyl joǵary oqý orny ádebıet satyp alýǵa 10 mıllıon teńgege jýyq qarajat baǵyttady. Endi kitaphana qory 1 mıllıon danadan asady. Búgingi tańda olardyń 4 myńnan astamy sıfrlandyrylǵan.
Toraıǵyrov ýnıversıtetinde otandyq joǵary oqý oryndary arasynda eń iri kitaphanalardyń biri jumys isteıdi. Kitap qory 700 myń danadan asady. Stýdentterdiń kitap oqýǵa degen qyzyǵýshylyqtaryn arttyrý maqsatynda kitaphanada aýdany 1560 sharshy metr kovorkıng-ortalyq, konferens-zal jáne stýdentterge arnalǵan demalys oryndary ashyldy.
M. Qozybaev atyndaǵy Soltústik Qazaqstan ýnıversıtetinde qajet kitap pen oqý quralyn taýyp beretin quny 5 mln teńgeden asatyn zamanaýı izdeý júıesi engizildi. Búgingi tańda qazaq, orys jáne aǵylshyn tilderindegi 3 myńnan astam kitap pen oqýlyq sıfrlyq formatqa kóshirildi. Ýnıversıtettiń elektrondyq katalogynda barlyǵy 265 myń kitap pen maqala bar. M. Qozybaev atyndaǵy SQÝ kitaphanasynyń materıaldyq-tehnıkalyq bazasy barlyq zamanaýı álemdik talapqa saı, onda 130-dan astam jańa kompıýter ornatylǵan. Joǵary jyldamdyqty ınternet, sondaı-aq respýblıkalyq joǵary oqý oryndary arasyndaǵy elektrondyq kitaphananyń menshikti jáne korporatıvtik resýrstary paıdalanýshylardyń ıeliginde.
Y. Altynsarın atyndaǵy Arqalyq pedagogıkalyq ınstıtýty da elektrondyq kitaphanamen qamtamasyz etildi. Kitap qoryn avtomattandyrýǵa, jańa basylymdarmen tolyqtyrýǵa 11 mıllıonnan astam teńge jumsaldy. Endi ArqPI kitaphanasynyń jalpy kitap qory 300 myń danadan asady.
«Bilim jáne ǵylym mınıstrligi joǵary oqý oryndarynyń aldyna stýdentterdiń oqýǵa degen qyzyǵýshylyǵyn arttyrý jáne qajetti aqparatty izdeý barysynda yńǵaılylyqty qamtamasyz etý mindetin qoıdy. Sondyqtan qazir joǵary oqý oryndary avtomattandyrylǵan júıelerdi engizý úshin shyǵyndardy, tehnıkalyq qoldaý shyǵyndaryn, qyzmetkerlerdi oqytý, kitaphananyń talaptaryna sáıkes júıelerge ózgerister men tolyqtyrýlar engizý úshin qarajat jumsaıdy. Sonymen qatar joǵary oqý oryndary kitaphana qoryn jańa basylymdarmen tolyqtyrýda. Medıaresýrstar — elektrondyq oqýlyqtar, ensıklopedııalar, oqý quraldary jáne basqa da ádebıetter kóbeıdi. Basqa elektrondyq kitaphanalardyń tolyq mátindi jáne mýltımedııalyq resýrstary, sonyń ishinde Web of Science jáne Scopus halyqaralyq bazalary qoljetimdi. Bul sharalar stýdentterimiz úshin barynsha jaǵdaı jasaý maqsatynda qabyldanyp jatyr», dedi Bilim jáne ǵylym vıse-mınıstri Qýanysh Erǵalıev.
S. Amanjolov atyndaǵy Shyǵys Qazaqstan ýnıversıtetinde sońǵy eki jylda elektrondyq kitaphanaǵa kelýshiler sany eki ese artty. Osy oqý jylynyń qyrkúıek aıynda kitaphanaǵa eki myńnan astam stýdent tirkelgen. Sońǵy úsh jylda ýnıversıtet kitaphanasynyń qyzmetkerleri 6 myń kitapty elektrondyq nusqaǵa aýystyrǵan. Kitaptardyń qatarynda úsh júz jyl burynǵy sırek basylymdar da bar. Kitaphana saıtynda Qazaqstan men álemniń elektrondyq kitaphanalaryna kóptegen siltemeler tabýǵa, sonymen birge «Jańa gýmanıtarlyq bilim. Qazaq tilindegi 100 jańa oqýlyq» jobasy sheńberinde qazaq tiline aýdarylǵan basylymdarmen tanysýǵa bolady.
Qaraǵandy ındýstrıaldyq ýnıversıtetiniń ǵylymı kitaphanasynda jańa oqý ádebıeti kórmesiniń ashylýy ótti. Kórmege 2021 jyly kitaphanaǵa kelip túsken barlyq ádebıet usynyldy. Jalpy sany 2,5 myń dana kitap satyp alyndy. Jańa ádebıetterdi satyp alýǵa joǵary oqý orny 23 mln teńge qarajat bólgen.
M.H. Dýlatı atyndaǵy Taraz óńirlik ýnıversıtetiniń kitaphanalyq-aqparattyq ortalyǵy «Kitaphana 24/7» formatynda jumys isteıdi jáne «bir tereze» rejıminde qyzmet kórsetedi. Kitaphananyń jalpy qory 1,2 mln danadan asady. Joǵary oqý ornynyń kitaphanalyq keńistigi OPEN SPACE formatyna jańǵyrtylǵan. Stýdentter úshin «Sreative zone», «Soworking zone», «Ashyq kitaphana» jumys isteıdi.
M. Áýezov atyndaǵy Ońtústik Qazaqstan memlekettik ýnıversıtetinde elektrondyq katalog, qazaq, orys jáne shet tilderindegi bıblıografııalyq jáne tolyq mátindi málimetter bazasy táýlik boıy qoljetimdi. Kitaphana saıty bilim alýda erekshe qajettilikteri bar stýdentterdiń, sonyń ishinde kórý qabileti nashar paıdalanýshylardyń jumysyna beıimdelgen.
D. Serikbaev atyndaǵy ShQTÝ, Qoja Ahmet Iаsaýı atyndaǵy halyqaralyq qazaq-túrik ýnıversıteti, Shákárim atyndaǵy Ýnıversıtet, Q.Jubanov atyndaǵy Aqtóbe óńirlik ýnıversıteti, H. Dosmuhamedov atyndaǵy Atyraý ýnıversıteti, Qorqyt Ata atyndaǵy Qyzylorda ýnıversıteti jáne basqa da qazaqstandyq joǵary oqý oryndary kitaphanalardy álemdik standarttarǵa saı zamanaýı aqparattyq-tanymdyq, stýdentterdiń bos ýaqytyn tıimdi uıymdastyrý jáne damytý ortalyqtaryna aınaldyryp otyr.
