Polshanyń Krakov qalasynda kekýshınkaı karateden álem chempıonaty ótti, oǵan 32 el qatysty. Quramynda mańǵystaýlyq sportshylar bar elimizdiń quramasy segiz medal jeńip aldy, olardyń altaýyn komandaǵa mańǵystaýlyq sportshylar saldy.
Qazaqstan quramasynan Nur-Sultan, Taraz qalalary men Atyraý jáne Mańǵystaý oblystarynan 27 sportshy qatysty. Jalpy Álem chempıonatyna 32 eldiń 684 sportshysy baq synady.
«Chempıonat joǵary tehnıkalyq deńgeıde ótti. Jekpe-jek óte qıyn boldy, kóptegen elder tarapynan úlken qarsylyq boldy. Myqty komandalar Eýropanyń birneshe elinen, Irannan, Ýkraınadan jáne Reseıden keldi», dep jazady federasııa.
Álem chempıonatynyń qorytyndysy boıynsha Qazaqstan quramasy segiz medalǵa ıe boldy, onyń ishinde úsh birinshi oryn, eki ekinshi jáne úsh úshinshi oryn.
Birinshi oryndarǵa ıe bolǵandar:
75 kg joǵary salmaq sanatynda jáne 14-15 jas sanatynda óner kórsetken Aqtaý qalasynan Aıan Maratov;
60 kg salmaq sanatynda jáne 16-17 jas sanatynda óner kórsetken Jańaózen qalasynan Amanqan Qydyrjan;
75 kg salmaq sanatynda jáne 18-21 jas sanatynda baq synaǵan Nur-Sultan qalasynan Anton Zımorev;
65 kg joǵary salmaq sanatynda jáne 16-17 jas aralyǵynda óner kórsetken Aqtaýdan kelgen Arýjan Aıshıeva;
65 kg salmaq sanatynda jáne 14-15 jas aralyǵynda óner kórsetken Aqtaýdan Sultan Saýmbaev Qazaqstanǵa ekinshi oryn ákeldi.
Chempıonatta úshinshi oryndy mańǵystaýlyq eki sportshy aldy:
60 kg salmaq sanatynda jáne 14-15 jas tobynda óner kórsetken Gúlnaz Iztanatova;
75 kg deıingi salmaq sanatynda jáne «erler» jas tobynda óner kórsetken Bereket Nurbaev.
