Saýda jáne ıntegrasııa mınıstrliginiń málimetine sáıkes, Túrkitildes memleketterdiń yntymaqtastyq keńesine (TMYK) múshe elder arasynda taýar aınalymy qarqyndy bolǵanymen onyń kórsetkishi mardymsyz. Aıtalyq, búginde baýyrlas memleketter jyl saıyn shamamen 15 mlrd dollar somasyna ózara saýda jasasyp keledi. Bul rette munaı-hımııa, metallýrgııa, mashına jasaý jáne jeńil ónerkásip ózara saýdanyń negizgi qozǵaýshy tetigine aınalǵan. Olardyń kólemi shamamen 9,2 mlrd dollardy quraıdy.
Saýda jáne ıntegrasııa mınıstrligine qarasty QazTrade saýda saıasatyn damytý ortalyǵy bas dırektorynyń orynbasary Nurlan Qulbatyrovtyń aıtýynsha, saýda baılanystaryn nyǵaıtý úshin TMYK elderiniń birlesken jumysyn kúsheıtý qajet.
«Eksportty tıimdi ilgeriletý, saýda áleýetin nyǵaıtyp, ózara baılanystardy kúsheıtý úshin yntymaqtastyq pen saýda salasynda járdemdesýdiń orny bólek. Baýyrlas elderdiń jáne tutastaı óńirdiń saýda áleýetin arttyrý maqsatynda birlese jumys istegen tıimdi», dedi QazTrade-tiń ókili.
N.Qulbatyrov uıymǵa múshe memleketter arasyndaǵy saýdany damytýdyń amaly retinde ýákiletti uıymdardyń turaqty is-áreketin retteýdi, ózara saýdanyń jaǵdaıyna birlesken monıtorıng júrgizýdi jáne qazirgi bar kedergilerge taldaý jasap, túrkitildes elderdiń saýdasyna jyl saıyn arnaıy sholý daıyndaýdy usyndy.
«Bul uıymdaǵy nátıjeler týraly naqty kórneki málimetterge qol jetkizýge jáne saýdadaǵy kedergilerdi joıýda ýaqtyly sharalar qabyldaýǵa múmkindik beredi», dedi N.Qulbatyrov.
Saýda saıasatyn damytý ortalyǵynyń ókili aıtqandaı, óńirlik uıymdardyń birlesken is-qımyldary pandemııadan keıingi daǵdarysty eńserip, turaqty damý baǵytynda asa mańyzdy.
