О́z tárbıelenýshileriniń shyǵarmashylyǵyn jasap, sezine bilý – kez kelgen eldiń mádenıetindegi dástúrler men jańashyldyq sabaqtastyǵynyń úzdiksiz jelisin qalyptastyrýǵa múmkindik beredi.
Kórmede sýretshiniń «Kollaj» tehnıkasynda oryndalǵan 40-qa jýyq jumysy usynyldy. Kollaj – bul sándik-qoldanbaly ónerdiń bir túri, onda sýretshi materıaldardyń geterogendi bólikterin negizge jelimdeý arqyly art-nysandy jasaıdy. Kollaj qyzyqty, óıtkeni ol fragmenttermen, tutas elementtermen jumys isteıdi, olar kóbinese kaleıdoskop sııaqty eriksiz úılesimde úlken sýretke túsip, jańa maǵyna, jańa vızýaldy qurylymdar qalyptastyrady.
«Bul – meniń alǵashqy mańyzdy kórmem. Elbasy kitaphanasyna, kórkemsýret mektebiniń ákimshiligine, meni árdaıym qoldaǵan muǵalimderge alǵysymdy bildiremin. Búgin sizder kóretin nárse – klassıka emes, bul – «oılar jınaǵyn» kórýge jeteleıtin dúnıeler. Keıbireýler sýretter arasynan ózderin kórýi de múmkin», deıdi sýretshi.
