Sút ónimderine suranys joǵary

Rýdnyı zaýytynda sút ónim­deriniń 50-den astam túri shyǵarylady. Zaýyt­tyń óndi­ris jelileri tolyq avto­mat­tan­dy­rylǵan. Mun­daǵy zamanaýı tehnolo­gııa­­­nyń múmkindigi joǵa­ry bol­­ǵandyqtan, kásiporyn ónim­­deri bir aıǵa deıin bu­zyl­maı saqtalady. Búginde zaýyt shy­ǵaratyn «Tań» sýsyny men irim­shik, súzbe syndy ekologııalyq taza ónimder Reseıdiń 10 shaqty óńirine saýdalanady. Onyń basym bóligi shekaranyń arǵy betinde jatqan Oral aımaǵyna eksporttalady. Kásiporyn basshysy Vladımır Shırıaevtiń aıtýynsha, zaýyt ónimderi elimizdiń ár óńirinde ornalasqan 6 myń­nan astam saýda oryndaryn­da satylady.

– Sútti oblystyń ár óńi­rin­degi fermerlerden, sútti sıyr saýyp otyrǵan koo­peratıvterden alamyz. Saq­tap, salqyndatyp qoıatyn birneshe qabyldaý ornymyz bar. Munyń syrtynda, taıaý mańdaǵy birneshe fermamen arnaıy kelisimge otyrǵanbyz. Olar kúnine 17-18 tonna sapaly sút jetkizip turady. Sapaly shıkizat – sapaly ónimniń negizi. Bizdiń taýardyń basty ereksheligi, hımııalyq qospa qosylmaıdy, – dedi V.Shırıaev.

Kásiporynda osydan bir­ne­she jyl buryn taǵy bir jańa jeli iske qosylǵan. Bul óndiris kóleminiń eselenýine jol ashty. Eń bastysy, shy­ǵa­ry­la­tyn ónim barlyq talapqa saı. Ishki-syrtqy na­ryqta bá­sekelestikke tótep bere ala­dy. Al jańa jeliniń iske qo­sylýy – qosymsha ju­mys oryn­darynyń ashylýyna múm­kindik berdi. Rýd­nyı­daǵy sút óńdeý zaýytynda qazir eki júzdeı adam eńbek etedi. Solardyń biri – súttiń sapasyn qadaǵalap otyratyn maman Altyngúl Júzjasarova.

– «Lıder-2010» kásiporny táýligine 500 lıtr sút óńdep, 50-den astam ónim túrin shyǵarady. Zaýyt jylyna 7 myń tonnaǵa jýyq ónim óndi­redi. Fermada saýylyp, zaýytqa kelgen sútten bastap, satylymǵa shyǵatyn ónimniń bári tehnolog Lıýdmıla Mat­vıen­­konyń qolynan ótedi. Sút qaınatylǵannan keıin, zııandy talshyqtardan arylyp qunary arta túsedi, – dedi maman.

Zaýyt ónimderiniń syrtqy naryq­­taǵy úles salmaǵy bıyl ­da joǵary. Oblystyq aýyl sharýashylyǵy basqar­ma­­synyń málimetinshe, sońǵy 6 aı­dyń ishinde jergi­li­k­ti ká­sip­oryndar eksport kó­le­min aıtarlyqtaı ulǵaı­typ otyr.

– Syrtqy naryqqa sońǵy ýa­qytta 2 myń 611 tonna sút ónim­deri jóneltildi. Bul eks­porttyń 62 paıyzǵa óske­nin kórsetedi. Mysaly, byl­tyr 1 613 tonna sút ónimi eks­porttalǵan bolatyn, – dedi ob­lystyq aýyl sharýa­shy­lyǵy basqarmasy marketıng bóli­miniń bas mamany Janar Kákimb­ekova.

Qostanaıda shyǵatyn sút ónim­­deri elimizdiń basqa oblys­­tarynda da ótimdi. Bıyl jyl ba­synan beri jergi­likti kásiporyndar ózge óńirlerge myń jarym ton­naǵa jýyq sút ónimin jóneltken. Jergilikti sút taýar­laryn óndirýshilerge mem­leket tarapynan da úlken qoldaý kórsetilip jatyr. Ishki naryqtaǵy ımportty azaı­typ, jergilikti ónimniń kóle­min arttyrý maqsatynda Qos­tanaı oblysynda sary maı, qatty irimshik, qurǵaq sút óńdep shyǵaratyn kásip­oryn­darǵa qomaqty demeý­qar­jy qarastyrylǵan.

Qostanaı oblysy