Búgin jankúıerler arasynda júrgizilgen saýaldamanyń nátıjesi belgili bolyp otyr. Sol básekede «Barystyń» shabýylshysy Nıkıta Mıhaılıs te óner kórsetedi. 26 jastaǵy Qaraǵandy hokkeı mektebiniń túlegi kezinde respýblıkamyzdaǵy túrli klýbtardyń jeıdesin kıdi. Jasóspirimder men jastardy qosa alǵanda, bes birdeı álem birinshiliginde baq synady. 2014 jyldan beri ol elordalyq klýbtyń sapynda. Aıtýly dodada jerlesimiz «Eýrazııa» komandasynyń namysyn qorǵaıdy. Osylaısha, Nıkıta «Juldyzdar matchyna» alǵash ret qatyspaq.
Sondaı-aq keshe akkredıtteýden ótken BAQ ókilderi arasynda saýaldama júrgizile bastaldy. Jýrnalısterdiń úsh oıynshyny tańdaýyna quqy bar. Qalǵandaryn QHL-dyń ózi tolyqtyrady. Sóıtip 44 hokkeıshi iriktelgennen keıin «Soltústik Amerıka», «Eýrazııa», «Skandınavııa» jáne «Reseı» komandalary arasyndaǵy básekelerdi tamashalaımyz.
