Jetisýdaǵy 7 jyl: Batalov qandaı ákim boldy?

Amandyq Batalovtyń Almaty oblysynyń ákimi bolyp turǵan kezinde:

• 2014 jyly oblysta sút óndirý nebary 14-15 pa­ıyz shamasynda bolsa, qazir onyń kólemi 30 paıyzǵa jetken.
• Bıylǵy 10 aıdyń ishinde qýaty 1,2 mln tonnalyq, ınvestısııa kólemi 47 mlrd teńge bolatyn «Alasem» sement zaýyty iske qosylǵan.
• Sondaı-aq jylyna 100 mln lıtrge deıin alkogolsiz sýsyndar shyǵaratyn Pure Pack zaýyty jumysqa kiristi.
• Ob­lysta aýyl sharýa­shy­ly­­­ǵy da­qyldarynyń alqaby 972 myń gek­­tarǵa jetken.
• Sońǵy úsh jylda aı­maqta 39 myń gektar sýarmaly jer qaıta aınalymǵa qosylǵan.
• Bıyl 14 myń gektardy qal­pyna keltirý úshin ırrıgasııalyq qurylystarǵa 6,3 mlrd teńgege kúrdeli jóndeý júrgizilýde.
• Eskeldi jáne Aqsý aýdandarynda sýarý jelileri qaıta jańartylyp jatyr.
• О́ńirde agroónerkásip keshe­nindegi taza tabys – 97 mln dollarǵa jetip, jalpy agroónerkásip kesheni eksporty­nyń 73 paıyzyn qurady.
• Jetisý óńirinde ótken jylmen salystyrǵanda mal men qus sany orta eseppen 2 paıyzǵa ósken.
• Bıyl 251 myń adam jal­py somasy 10,3 mlrd teńge sha­ma­synda áleýmettik kómek alǵan.
• Byltyr oblys halqynyń 59 paıyzy gazben qamtylǵan.
• 2020 jyly Taldyqorǵan jáne Qapshaǵaı qalalarynda úsh qazandyq gazǵa aýysty­ryl­ǵan.
• Balqash aýdanynyń ortalyǵy Baqanas aýylynda jańa dene shynyqtyrý-saýyqtyrý kesheni ashyldy.
• Muqaǵalı Maqataevtyń 90 jyldyq mereıtoıy aıasynda, Narynqolda 50 úıdiń kilti berilip, aqynǵa arnalǵan eskertkish boı kóterdi.
• Taldyqorǵan qalasynyń oblys ortalyǵy mártebesin alǵanyna 20 jyl tolýyna oraı 55 otbasy qonys toıyn toılady.
• Jyl basynan beri oblysta 835,4 myń sharshy metr turǵyn úı berildi.

Almaty oblysy turǵyndary Amandyq Batalovtyń jeti jyldan beri atqarǵan ilkimdi isteri kóp ekenin aıtyp, rızashylyqtaryn bildirýde. Mysaly, óńir halqyn barynsha baspanamen qamtyǵanyn, shekaralas aımaqtardyń máselesin sheship, áleýmettik nysandardy kóptep ashqanyn jıi aıtatynyn baıqadyq. Biz bul joly bir bóligin ǵana sóz ettik. Al qyzmetinen bosatylǵan burynǵy ákimniń endi qaıda jumys isteıtini ázirge belgisiz. Amandyq Batalovtyń baspasóz hatshysy bolǵan Aıdar Karbozov biz qoıǵan saýaldarǵa jaýap bere almady.