Keńeske Aqparat jáne qoǵamdyq damý vıse-mınıstri S.R.Egizbaev, Etnosaralyq qatynastardy damytý komıtetiniń tóraǵasy Ǵ.N.Shoıkın, Qazaqstan halqy Assambleıasynyń respýblıkalyq Analar keńesiniń tóraǵasy N.Y.Shanaı, Qoldanbaly etnosaıası zertteýler ınstıtýty dırektorynyń orynbasary A.K.Sadvokasova, ortalyq jáne jergilikti atqarýshy organdardyń basshylary, QHA qurylymdary men etnomádenı birlestikterdiń ókilderi, QHA «Jańǵyrý joly» respýblıkalyq jastar qozǵalysynyń óńirlik shtabtarynyń basshylary qatysty.
Keńes barysynda Qazaqstan Respýblıkasynyń Prezıdenti Q.K.Toqaevtyń 2021 jylǵy 21 qazandaǵy QHA Keńesiniń keńeıtilgen otyrysynda bergen tapsyrmalarynyń oryndalýyn uıymdastyrý jónindegi máseleler talqylanyp, ádistemelik usynymdar berildi.
QHA óńirlik hatshylyqtary, «Qoǵamdyq kelisim» KMM qyzmetiniń ózekti máseleleri, «Beıbitshilik pen kelisim jolymen» televızııalyq jobasynyń respýblıkalyq tusaýkeserin ótkizýdi uıymdastyrý, azamattyq ıntegrasııa, jalpyulttyq birlik jáne etnosaralyq qatynastardy úılestirý taqyrybyna qoldanbaly zertteýler máseleleri talqylandy, QHA etnomádenı birlestikterine qoǵamdyq akkredıtteý júrgizý boıynsha birqatar máseleler belgilendi.
QHA Analar keńesiniń óńirlerdegi jumysyn qoldaýdy uıymdastyrý jáne olardyń «tolassyz jobalaryn» iske asyrý týraly QHA respýblıkalyq Analar keńesiniń tóraǵasy N.Y.Shanaı habarlama jasady jáne QHA-nyń aldaǵy Respýblıkalyq Sessııasyna daıyndyq barysy týraly «Assambleıa jastary» RQB tóraǵasy T.Ǵ.Jumyrbaev baıandady.
