24.kg Facebook-te № 31 Shýı-Kemın okrýgi boıynsha depýtattyqqa kandıdat Mederbek Saqqaraev týraly qujat jarııalanǵanyn jazady.
Qujat Almaty polısııa departamentinen alynǵan. Oǵan kóshi-qon qyzmeti basqarmasynyń bastyǵy A. K. Býtýnchınov qol qoıǵan.
Onda Saqqaraevtyń ózi bas tartpaǵan Qazaqstan azamattyǵy bar ekeni aıtylǵan.
«QR jeke tulǵalarynyń memlekettik derekter qoryna sáıkes, 12.12.1971 jyly týǵan Sakkaraev Mederbek Jamangýlovıch Qazaqstan Respýblıkasynyń azamaty bolyp tabylady. Qazaqstannan tys jerlerge turaqty turýǵa ketý máselesi boıynsha Qazaqstan Respýblıkasynyń azamattyǵynan shyǵý/joǵaltý týraly Almaty qalasy PD OÁB-ne júgingen joq», deıdi Almaty qalasy PD kóshi-qon qyzmeti basqarmasynyń bastyǵy A. K. Býtýnchınov.
Qyrǵyzstannyń Ortalyq saılaý komıssııasy bul málimetterdi tekserý úshin suraý jiberdi. Eger aqparat rastalsa, Saqqaaraevty tirkeý toqtatylady. Qyrǵyz Zańy boıynsha depýtattyń ózge azamattyǵyna ıe bolýyna tyıym salynady.
Bul qyrǵyzstandyq saıasatkerlerdiń Qazaqstan azamattyǵy bar dep kúdiktenýiniń birinshi jaǵdaıy emes.
2017 jyly prezıdenttik saılaý aldynda BAQ-ta prezıdenttikke kandıdat О́mirbek Babanovtyń Qazaqstan azamattyǵy bolǵany týraly aqparat paıda boldy. Babanovtyń ózi bul aqparatty teriske shyǵardy. Qazaqstannyń Ishki ister mınıstrligi de onyń sózin rastady.
«Qazaqstandyq zańnama boıynsha Babanov QR azamaty bolǵan emes», dep habarlady IIM.
