Meıirim mýzykasy

«Sendik qýat myń ese ar­tyq Jerdiń tartý kúshinen». Shirkin, Aıbergenov «Ana» degen uǵymdy bir tarmaqqa qalaı ádemi syıǵyzyp jibergen dese­ńizshi. Quddy dál osy kar­tı­naǵa qarap jazǵandaı. Mynaý dýly dúnıege izgilik ta­myzǵan, meıirim sepken asyl janǵa qandaı teńeý arnasa ­da jarasady ǵoı. Sebebi ol – ana!

Mine, taǵy da ulaǵatty ustaz ári tanymal sýretshi Bo­rıs Mıhaılovıch Nemenskıı shyǵarmasyna úńilip otyrmyz. Qylqalam sheberi 1922 jyly Máskeýde dúnıege kelgen. 1942 jyly mektepti bitire salysymen maıdanǵa attanady. Dese de, óner ıesi qan maıdannyń ishinde júrip birneshe kartına jazyp úlgeripti. Sol shyǵarmalardyń biri – «Ana». Tipti, onyń sıýjeti boıynsha soǵys týraly orys aqyny Lıýdmıla Vedernıkova óleń de jazǵan eken.

«Idıot voına.

Melkaıýt gody, daty...

V ızbe sıdıt, toskýıa

v gore, Mat.

K neı na nochleg

postavleny soldaty

I do ýtra zdes býdýt

otdyhat».

Kartınaǵa nazar aýdarsaq, ıyǵyna juqa oramal japqan áıel aınalasynda uıyqtap jatqan sarbazdardy baqylap otyr. Balalarynyń uıqysyn kúzetken ana keıpinde. Al óleńge súıensek qaljyraǵan sarbazdar túnde áıeldiń esigin qaǵady. Onyń da osyndaı ul­dary «týǵan jerimizdi jaý­dan qorǵaımyz» dep alysta aryp-ashyp júrgendikten, áıel olardy birden baýyryna basady. Ábden sharshaǵan sarbazdardy ishke kirgizip, úıdegi baryn berip, tamaqtandyrady. Aǵash edenge jatqyzǵanymen sońǵy jyly kıimderin kórpe retinde astyna tóseıdi. Sarbazdar uıqyǵa batqanda, áıel Qudaıǵa tabynyp, olardyń úılerine aman-esen oralýyn suraıdy.

Soǵys kezinde adamdar bir-birine qolynan kelgenshe kómekteskeni anyq. Ol ýaqytta «bireýdiń balasy» degen uǵym bolǵan joq. Sondyqtan mun­daı oqıǵa Nemenskııdiń óz basynan da ótýi múmkin. Nege deseńiz, sýretshi kartınadaǵy keıipkerlerdiń sezimi men emosııalaryn tolyq jetkize alǵan. Áıel-ana sharshaǵan jaýyngerlerdi náziktikpen baqylap, balalaryn eske alady.

Kartına sol azapty jyl­dardyń úmiti men úreıinen týǵan týyn­dy. Arǵy jaǵynda meıi­­­rim mýzykasy oınap tur­ǵandaı, júrekti eljiretedi.