Zamanaýı joǵary bilim berýdegi negizgi tendensııalardy jáne eki memlekettiń joǵary oqý oryndarynyń ıntegrasııalaný traektorııasyn talqylaýdy maqsat etken forýmǵa Abaı atyndaǵy QazUPÝ rektory Darhan Bilálov, oqý basqarmalarynyń ókilderi men eki eldiń jetekshi joǵary oqý oryndarynyń 50-ge jýyq basshysy qatysty.
Forýmnyń ashylýynda Bilim jáne ǵylym mınıstri Ashat Aımaǵambetov, Qyrǵyzstannyń Bilim jáne ǵylym mınıstri Bolotbek Kýpeshev, Qazaqstan Respýblıkasy Joǵary jáne joǵary oqý ornynan keıingi bilim berý uıymdary rektorlary keńesiniń tóraǵasy, L. Gýmılev atyndaǵy EUÝ rektory Erlan Sydyqov, Qyrǵyz Respýblıkasy joǵary oqý oryndary qaýymdastyǵynyń tóraǵasy, Bishkek memlekettik ýnıversıtetiniń rektory Abdyldy Musaev jáne t.b. cóz sóıledi.
Qyrǵyzstan men Qazaqstannyń joǵary bilim berý júıesin damytý, Ortalyq Azııa joǵary oqý oryndarynyń Alıansyn qurý, birlesken bilim berý jáne ǵylymı jobalar, stýdentter men professor-oqytýshylar quramynyń taǵylymdamadan ótýi boıynsha negizgi mindetter talqylandy. Akademııalyq utqyrlyq boıynsha stýdent almasýdy keńeıtý, fılıaldar ashý, bilim berý baǵdarlamalaryn biriktirý, eki eldiń ýnıversıtetteri arasyndaǵy ózara qarym-qatynas tıimdiligin arttyrý úshin jańa múmkindikterdi engizý týraly sheshim qabyldandy. Eki respýblıka men halyqtar arasyndaǵy dostyq baılanystardy odan ári nyǵaıta túsý úshin de syndarly da mazmundy pikirtalastar ótti.
Forým barysynda Abai University B.Beshenalıeva atyndaǵy Qyrǵyz memlekettik mádenıet jáne óner ýnıversıtetimen, Qyrǵyz-Reseı bilim akademııasymen, Qyrǵyzstan-Reseı bilim akademııasy, Reseı Federasııasynyń tuńǵysh Prezıdenti B.N.Elsın atyndaǵy Qyrǵyz-Reseı Slavıan ýnıversıteti, B.Sydyqov atyndaǵy Qyrǵyz-О́zbek halyqaralyq ýnıversıtetimen yntymaqtastyq týraly memorandýmdarǵa qol qoıdy.
