Bul týraly Reuters agenttigi málim etti.
Kolýmbııaǵa úkimet pen demobılızasııalanǵan revolıýsııalyq qarýly kúshter (FARC) arasyndaǵy beıbit kelisimniń bes jyldyǵyn atap ótý úshin barǵan Gýterrısh soǵys qımyldaryn tez arada toqtatýǵa shaqyrdy.
«Búgingi Kolýmbııadaǵy beıbitshilik prosesi meni Efıopııadaǵy qaqtyǵys taraptaryn jáne atysty dereý toqtatýǵa shaqyrýǵa shabyttandyrdy», dedi Gýterrısh Kolýmbııa prezıdenti Ivan Dýkemen birge sóılegen sózinde.
BUU Bas hatshysynyń pikirinshe, Efıopııadaǵy áskerı is-qımyldardy toqtatý efıopııalyqtar arasynda dıalog ornatýǵa múmkindik beredi, bul óz kezeginde óńir turaqtylyǵyna óz úlesin qosady.
«Kolýmbııanyń Efıopııa basshylaryna úlgi bolǵanyn qalaımyn», dep tolyqtyrdy Gýterrısh.
Efıopııa bıligi men Tıgraı bıligindegi solshyl partııa «Tıgraıdy azat etýdegi halyqtyq maıdan» (TPLF) arasyndaǵy qarýly qaqtyǵys 2020 jyldyń 4 qarashasynda bastaldy.
BUU málimetteri boıynsha, qaqtyǵys saldarynan ondaǵan myń adam Efıopııadan Sýdanǵa qashyp ketken. Uıym birneshe ret efıopııalyq Tıgraı aımaǵynyń turǵyndary keıingi onjyldyqta buryn-sońdy bolmaǵan asharshylyq aldynda turǵanyn habarlady.
