«Memleket basshysy eki kúndik sapary aıasynda Brıýsselde Belgııanyń jáne Eýropalyq Odaqtyń basshylyǵymen kezdesýler ótkizedi dep josparlanǵan. Búgin Qazaqstan Prezıdenti Belgııa Koroli Fılıppen júzdesip, Premer-Mınıstr Aleksandr De Kroomen jáne Eýropalyq Keńes prezıdenti Sharl Mıshelmen kelissózder júrgizedi», delingen habarlamada.
Sonymen qatar erteń Qasym-Jomart Toqaev Eýropalyq komıssııa tóraǵasy Ýrsýla fon der Lıaıenmen kezdesedi, sondaı-aq eýropalyq iri kompanııalardyń basshylarymen birqatar kezdesý ótkizedi.