2021 jylǵy 1 shildeden bastap kúshine engen QR jańa Ekologııalyq kodeksinde qorshaǵan ortany qorǵaý máseleleri kezinde sheshimder qabyldaýda halyqtyń da pikiri eskerilýi kózdelgen.
Degenmen, qorshaǵan ortaǵa áserdi baǵalaýǵa (QOÁB) qatysty qoldanystaǵy normatıvtik-quqyqtyq talaptar Orhýs konvensııasy jáne Espo konvensııasy sııaqty halyqaralyq mindettemelerge tolyq sáıkes kelmeıdi.
Osyǵan baılanysty mınıstrlik birinshi sanattaǵy iri kásiporyndarǵa qatysty QOÁB ótýin jáne jobany baǵalaýdyń barlyq kezeńderinde halyqtyń qatysýyn kózdeıtin birqatar jańashyldyqtardy usyndy.
«Eger buryn jobany ázirleý satysynda qoǵamdyq tyńdaýlar jer ýchaskesi bólingennen keıin ótkizilse, jańa Kodekste jer ýchaskesi bólingenge deıin qyzmetti josparlaýdyń eń erte satysynda tyńdaýlar ótkizý kózdelgen, bul kásipkerlerdiń táýekelderin boldyrmaýǵa jáne qoǵam ókilderiniń pikirin eskere otyryp sheshim qabyldaýǵa múmkindik beredi», dedi Z.Joldasov.
«Biryńǵaı ekologııalyq portal» árbir nıet bildirýshige jobamen tanysýǵa, óz usynystary men eskertýlerin qaldyrýǵa, sondaı-aq ázirleýshiden mindetti túrde jaýap alýǵa múmkindik beredi. Portalǵa kirý shektelmeıdi.
Sonymen qatar qoǵamdyq tyńdaýlardy ótkizý erejeleri ázirlendi jáne bekitildi, onda jurtshylyqtyń pikirin eskerý qajet obektilerdiń, onyń ishinde usaq qurylys jumystarynyń keń tizbesi qamtyldy.
«Qoǵam ókilderiniń qatysýy áleýmettik mańyzy bar nysandardy salý kezinde de durys jáne negizdelgen sheshim qabyldaýǵa múmkindik beredi», dedi komıtet tóraǵasy.
