2019 jyly sary qurlyqtyń teńdessiz komandasy atanǵan Qazaqstannyń qyzdar quramasy bıyl da sol beleske jaqyndaı tústi. Jarystyń ekinshi kúni jerlesterimiz Malaızııamen kezdesip, 3:0 esebimen aıqyn jeńiske qol jetkizdi. Bul básekelerde Sábına Shýhratova Adanı Raınandy, Eva Korysheva Danı Danıelany oısyrata utsa, juptyq saıysta da qarsylastarymyz esh qaırat kórsete alǵan joq. Toptyq týrnırdegi sońǵy oıyndy qyzdarymyz endi Úndistan quramasymen ótkizedi. Osy matchtyń nátıjesine qaramastan jerlesterimiz jartylaı fınalǵa joldama alý máselesin sheship tastady.
Al elimizdiń uldar quramasy keshe Taılandtyń tennısshilerine 1:2 esebimen ese jiberdi. Endi jartylaı fınalǵa shyǵý úshin qazaqstandyqtar Iordanııa oıynshylaryn qalaı da utýy kerek.
