Osylaısha, pedagogterdi attestattaýdan ótkizý úshin bilim berýdi basqarý organdarynda komıssııalar qurylady.
Pedagogterdi attestattaý jónindegi komıssııanyń quramyna keminde 10 jyl jumys ótili, «pedagog-zertteýshi» nemese «pedagog-sheber» biliktilik sanattary bar pedagogter, oqý-ádistemelik kabınetterdiń (ortalyqtardyń), biliktilikti arttyrý uıymdarynyń ádiskerleri, qoǵamdyq jáne úkimettik emes uıymdardyń, kásipodaqtardyń ókilderi, bilim berýdi basqarý organdarynyń, vedomstvolyq baǵynysty uıymdardyń mamandary kiredi.
Bilim berý uıymdarynyń basshylary men basshylarynyń orynbasarlaryn attestattaýǵa arnalǵan komıssııanyń quramyna memlekettik organdardyń, eńbek jónindegi ýákiletti memlekettik organnyń ókilderi, kásipodaqtardyń, úkimettik emes uıymdardyń, bilim berý uıymdarynyń alqaly basqarý organdarynyń, qoǵamdyq keńesterdiń ókilderi, sondaı-aq attestattaýshy organnyń qurylymdyq bólimsheleriniń qyzmetkerleri kiredi.
Tıisti deńgeıdegi Komıssııa attestattalýshynyń qujattaryn jylyna eki ret qaraıdy.
Attestattaý kelesi kezeńderdi qamtıdy:
Pedagogter úshin:
- NKT;
- Esse;
- Biliktilik baǵasy;
- Qyzmet nátıjelerin keshendi taldamalyq jınaqtaý.
Bilim berý uıymdary basshysynyń orynbasarlary men ádiskerler úshin:
- Biliktilik baǵasy;
- Qyzmet nátıjelerin keshendi taldamalyq jınaqtaý;
- Attestattaý komıssııasynyń otyrysynda qyzmet nátıjelerin tanystyrýmen áńgimelesý (komıssııanyń ózin-ózi baǵalaýy men baǵalaýy sáıkes kelmegen kezde).
Bilim berý uıymdarynyń jáne ádistemelik kabınetterdiń basshylary úshin:
- NKT;
- Biliktilik baǵasy;
- Qyzmet nátıjelerin keshendi taldamalyq jınaqtaý;
- Komıssııa otyrysynda qyzmet nátıjelerin tanystyrýmen áńgimelesý (komıssııanyń ózin-ózi baǵalaýy men baǵalaýy sáıkes kelmegen jaǵdaıda).
Qujattyń tolyq mátinimen myna silteme arqyly tanysýǵa bolady.
Buıryq 2021 jylǵy 5 jeltoqsannan bastap qoldanysqa engiziledi.
