Baıǵabylov qoldanystaǵy karantındik talaptarda jańajyldyq ujymdyq keshterge tyıym salynbaǵanyn, biraq shekteýler bolatynyn, mekeme qyzmetkerleri Ashyq-te «jasyl» mártebege ıe bolýy kerek ekenin eskertti.
Sondaı-aq sol sátte Almatynyń qaı aımaqta (jasyl, sary, qyzyl) ornalasqanyna baılanysty qatysýshylar sanyna shekteýler qoıylady.
«jasyl» aımaqta - 50 paıyzǵa deıin, 100 orynnan kóp emes;
«sary» aımaqta - 50 paıyzǵa deıin, 70 orynnan aspaý kerek;
«qyzyl» aımaqta - 50 paıyzǵa deıin, 50 orynnan aspaý kerek.
Megapolıs turǵyndaryna ruqsat epıdemıologııalyq jaǵdaıǵa baılanysty beriledi. Almatyda koronavırýs ınfeksııasy boıynsha jaǵdaı nasharlasa, Ashyq nysandarynyń jumys ýaqytynda karantındik sharalar kúsheıtilip, jańa jyldyq korporatıvtik keshter men basqa da is-sharalarǵa tyıym salynýy múmkin.
