• 01 Naýryz, 2014

Qurmetti Nursultan Ábishuly!

721 ret

kórsetildi

2 mın

oqý úshin

Egemen Qazaqstan

Sizdi Qazaqstan halqy Assambleıasy, Assambleıa Keńesi músheleri atynan, 1995 jyly 1 naýryzda, Sizdiń Jarlyǵyńyzben qurylǵan Qazaqstan halqy Assambleıasyna 19 jyl tolýymen shyn júrekten quttyqtaımyz. Qazaqstan halqy úshin bul oqıǵanyń orny erekshe. Bizdiń Táýelsiz elimizdiń damý tarıhy Sizdiń osy sheshimińizdiń ómirlik mańyzyn jáne saıası kóregendigin san márte dáleldedi. Jas memlekettiń qalyptasý jyldarynda, Sizdiń dana saıasatyńyzdyń arqasynda, Qazaqstanda jańa ekonomıkalyq jáne saıası qatynastar qalyptasty. Sizdiń saıası erik-jigerińizdiń arqasynda búginde barsha álemdik qoǵamdastyq moıyndaǵan, elimizdiń árbir patrıoty úshin qymbat esim – Nursultan Nazarbaevtyń atyn ıelengen qoǵamdyq kelisim men el birliginiń qazaqstandyq úlgisi quryldy. Sizdiń basshylyǵyńyzben Assambleıa jemisti damyp, beıbitshilik pen kelisimniń jalpyhalyqtyq ınstıtýtyna aınaldy, halyqtyq sıpatqa ıe boldy. Búginde Assambleıa qoǵamnyń bastaýshysy jáne «Qazaqstan-2050» Strategııasynda alǵa qoıylǵan mindetterdi iske asyrýda barsha Qazaqstan halqyna jáne Sizge, Nursultan Ábishuly, senimdi tirek bolyp tabylady. Assambleıa, senim men yntymaqtyń, azamattyq paryz ben jaýapkershiliktiń strategııalyq resýrsy bola otyryp, azamattyq beıbitshilik pen qoǵamdyq kelisimniń, saıası turaqtylyqtyń berik negizine aınaldy. Biz, Qazaqstan halqy Assambleıasynyń músheleri, Sizdi, qurmetti Nursultan Ábishuly, halqymyzdyń ǵasyrlar boıǵy armany – «MÁŃGILIK ELDI» qalyptastyrý jolynda bar kúsh-jigerimizdi jumsaıtynymyzǵa sendirgimiz keledi. Biz bolashaqqa senimmen qarap, elimizdi maqtan tutamyz, qasıetti qazaq jerin, Qazaq elin jáne Elbasymyzdy bergen taǵdyrymyzǵa, Jaratýshymyzǵa jáne tarıhymyzǵa rızashylyǵymyzdy bildiremiz! Biz árqashan Sizdiń adal jáne shyn berilgen serigińiz bolǵanbyz jáne solaı bolyp qala beremiz! Qazaqstan halqy Assambleıasy kúni qutty bolsyn! Qazaqstan halqy Assambleıasynyń Keńesi