Ol túnde Cheremha eldi mekeniniń aýmaǵynda 200-ge jýyq mıgranttan turatyn top polıak shekarasyna shabýyl jasaýǵa tyrysqanyn aıtty.
«Osy áreketterdiń nátıjesinde polıak áskeriniń jaýyngeri zardap shekti. Onyń basynan taspen urǵan. Sarbaz aýrýhanaǵa tústi», dedi Mıhalskaıa.
Sońǵy aptalarda Belarýs pen Polsha shekarasynda EO elderine kirý úmitimen birneshe myń mıgrant jınaldy. Polsha bıligi shekarany kúzetýdi kúsheıtti. Bılik zańsyz bosqyndardyń kóshi-qon daǵdarysyna Mınskini kinálap, olardyń elge kirý áreketterin toqtatty. Belarýs bıligi bul aıyptaýlardyń barlyǵyn joqqa shyǵaryp, Polsha mıgranttardy óz aýmaǵynan májbúrlep shyǵaryp, bosqyndarǵa qatysty jaǵdaıdy jasandy túrde uıymdastyrdy dep málimdedi.
Anna Mıhalskaıanyń aıtýynsha, eki mıgrant aýrýhanaǵa túsken. «Olardyń birinde demikpe dertiniń belgileri bolǵan», dep túsindirdi shekara ókili.
Ol túngi shabýyldyń nátıjesinde Polsha aýmaǵyna birneshe metrge 170-ke jýyq adam kirgenin aıtty. Polıak qaýipsizdik kúshteri olardy odan ári jibergen joq. Belarýs shekara syzyǵyna qaıtardy.
