Tabys negizi ilkimdi ister

Medısınalyq kómekti qaıtse barynsha ashyq ári qoljetimdi etýge bolady? Densaýlyq saqtaý mınıstri Salıdat Qaıyrbekovanyń jetekshiligimen ótken Elbasynyń «Qazaqstan – 2050: bir múdde, bir maqsat, bir bolashaq» atty Joldaýynan týyndaıtyn mindetterdiń oryndalýy barysyn talqylaýǵa arnalǵan jıynda osy másele jan-jaqty pysyqtaldy. Mınıstr ózi basqaryp otyrǵan vedomstvonyń basty mindeti – medısınalyq kómekti basqarýdyń jáne qarjylandyrýdyń turaqty, naqty, túsinikti jáne ashyq júıesin qalyptastyrý ekendigin erekshe atap ketti. Sondyqtan alǵa qoıǵan mindetter Elbasy Strategııasynda aıqyndalǵan maqsattarǵa jetýge negiz bolýy, sondaı-aq, júıe halyqtyń talabyna jaýap berýi tıis. Bul rette S.Qaıyrbekova óńirlerdegi densaýlyq saqtaý mekemeleri mınıstrlik ázirlegen standarttar, hattamalar jáne algorıtmder aıasynda sapaly medısınalyq qyzmet kórsetýge mindetti ekendigin qaperge saldy. «Men mınıstrliktiń jalaqy tóleý jáne baqylaý komıtetine óz júıeleri arqyly monıtorıngti, onyń ishinde senim telefondary arqyly baqylaýdy kúsheıtýdi tapsyrdym. Barlyq negizgi aryz-shaǵymdar medısınalyq uıymdardyń reıtıngine áser etip, ekonomıkalyq zardaptarǵa ákelip soqtyrady», dedi S.Qaıyrbekova. Mınıstrdiń málimetine qaraǵanda, leıkozǵa shaldyqqan balalardyń ómir súrýin 76 paıyzǵa deıin ulǵaı­týǵa múmkindik týyp otyr. Jilik maıyn transplantasııa­laý tehnologııasyn jáne kardıo­hı­rýr­gııalyq beıindi aıtpaǵannyń ózinde, taǵy da basqa salalar ıge­rilgen. Basqa sóılegender de oń je­tis­tikter jóninde áńgime qozǵady. Jalpy, Densaýlyq saqtaý mı­nıs­trliginde ótken alqaly jıynda Memleket basshysy alǵa qoıǵan mindetterdi oryndaý erek­she nazarǵa alynǵandyǵy, dári­gerge degen senimdi ny­ǵaı­týǵa já­ne emdeý sapasyna jaýap­ker­shi­lik jaıy keńinen sóz boldy. Bul aıtylǵandardyń barlyǵy sala­daǵy tabystarǵa negiz qalaýy tıis. Asqar TURAPBAIULY, «Egemen Qazaqstan».