Keleshek kemeli jastar

Almatyda «Máńgilik El» ıdeıasy – jastardyń jarqyn bolashaǵy» atty jastardyń Respýblıkalyq patrıottyq forýmy ótti. Ony Qazaq memlekettik qyzdar pedagogıkalyq ýnıversıteti men «Jas Otan» jastar qanatynyń Almaty qalalyq fılıaly uıymdastyrdy. Forýmǵa «Nur Otan» partııasy Almaty qalalyq fılıaly tóraǵasynyń birinshi orynbasary Kenjehan Matyjanov, Eńbek Eri Aıagúl Mırazova, «Jas Otan» JQ Almaty qalalyq fı­lıa­lynyń atqarýshy hatshysy Arman Halbekov, Almaty qala­lyq Jastar saıasaty jónindegi bas­qarmanyń ókilderi men res­pýb­lıkanyń ár aımaǵynan kelgen joǵary oqý oryndarynyń belsendi stýdentteri qatysty. Jastar «Máńgilik El» ıdeıasy – qazaqstandyq patrıotızmniń túpqazyǵy», «Intellektýaldy ult – el erteńi», «Qazaqstan-2050 Strategııasy jastardyń kózimen» sekildi birneshe taqyrypty talqylap, oı-pikirlerimen bólisti. «Prezıdent Nursultan Nazarbaev «Qazaqstan joly – 2050: bir maqsat, bir múdde, bir bolashaq» atty halyqqa Joldaýynda jastarǵa úlken senim artady. Elbasy Joldaýda kóptegen mindet-tapsyrmalarmen qatar, jasyl ekonomıkany, ınnovasııany damytyp, ǵylymǵa negizdelgen ekonomıka qurýdy júktedi. Osy mindettiń iske asýyna jastar da atsalysýy kerek», – deıdi forým delegattary. Forým sońynda respýb­lı­ka­nyń ár óńirinen kelgen jas­tar Qyzdar ýnıversıtetiniń «Aq­tu­mar» murajaıy men «Máńgilik El» kórmesin tamashalady. «Bizder, Qazaq eliniń jastary, bilimdi de alǵyr bolýymyz qajet. El erteńi jastardyń qolynda. Elbasy aıtqandaı, «Erkin elde ósken urpaqtyń rýhy árdaıym bıik bolýy tıis. Jastary jalyn júrekti, órshil namysty, bıik rýhty bolsa, ol eldiń eńsesi de bıik bolady», – degen «Jas Otan» JQ Almaty qalalyq fı­lıa­lynyń atqarýshy hatshysy Arman Halbekov jastardy ultjandy bolýǵa shaqyrdy. Aıdar О́RISBAEV, «Egemen Qazaqstan». ALMATY.