Ispanııa bıligi vaksınasııa týraly sertıfıkattyń bar bolýyna qaramastan ınfeksııanyń taralý qaýpi joǵary elderden kelgen barlyq jolaýshylardan koronavırýsqa teris test talap etýdi qolǵa alýda. Ispanııa EO quramyna kirmeıtin «táýekel tobyndaǵy elder» qataryna 20-ǵa jýyq memleketten basqa barlyq eldi jatqyzady.
Germanııada jetekshi vırýsologtar búkil halyqtyq qatań karantın engizýge shaqyrýda. Dárigerler vaksınasııalanbaǵan adamdardy oqshaýlaýdy usynady.
«Biz tolyq oqshaýlanbaı tórtinshi tolqyndy toqtata almaıtynymyzdy moıyndaýymyz kerek», dedi epıdemıolog Aleksandr Kekýle.
Avstralııa koronavırýstyń jańa shtamynyń paıda bolýyna baılanysty Afrıkanyń toǵyz elinen kelgenderge elge kirýge tyıym saldy. Bul - Botsvana, Zımbabve, Lesoto, Malavı, Mozambık, Namıbııa, Seıshel araldary, Esvatını jáne Ońtústik Afrıka.
