Dúbirge toly dúnıe
EL BIRLIGI – BEIBITShILIK
Árıne, bul kúnderi Ýkraınada bolyp jatqan saıası jaǵdaı ýkraın halqymen birge bizderdi, barlyq qazaqstandyqtardy da alańdatýda. Kúndelikti teledıdardan kórip, ınternet arqyly oqyp, qarap, bilip otyrmyz. Búkil álemde, onyń ishinde, ásirese, Ýkraınada bolyp jatqan oqıǵalar qazir eshkimdi de beıtarap qaldyrmaıdy ǵoı dep oılaımyn.Ýkraına kóshelerindegi, alańdaryndaǵy qaqtyǵystardy, qıraǵan, búlingen ǵımarattardy kórip, janyń aýyrady. Qarama-qaıshylyqtardyń shıelenisýine budan ári jol bermeý úshin beıbit sheshim arqyly ǵana tynyshtyq ornaıtyny sózsiz. Bizdiń tilek: baýyrlas eldiń basyna túsken qazirgi kúnder artta qalyp, jaqsy kúnder kelsin. Ýkraına burynǵydaı eldik maqsattar jolyna tússin. Eldiń birligi, el ishiniń tynyshtyǵy aýadaı qajet ekenin osyndaıda shynaıy sezinesiń. Kıevte bastalǵan bul dúrbeleń endi Qyrym avtonomııalyq respýblıkasyna deıin jetti. Sońy qandaı zardaptarǵa soqtyrar dep búkil el-jurt alańdaýly. Bizdiń burynǵy odaqtas respýblıkalarda eshqandaı qantógis, alaýyzdyq, túsinbeýshilik bolmasa eken deısiń. Oblystaǵy Assambleıamyzda da túrli ult ókilderi bas qosyp, eldik maqsat-múdde jolynda eńbek etýdemiz. Eldik degennen shyǵady, Elbasy Nursultan Nazarbaev halyqqa Joldaýynda «Máńgilik El» ıdeıasyn kóterdi. Búgingi almaǵaıyp zamanda mundaı ata-baba armanyna Otanymyzdaǵy barlyq ulttar men ulystardyń dostyǵy, tatýlyǵy, birligi arqyly ǵana qol jetkize alatynymyzdy bek túsinýge tıispiz. Al Qazaqstan halqy Assambleıasy osy oraıda elimizdegi ártúrli ult ókilderiniń basyn qosqan bútindeı bir ǵylymı ınstıtýt retinde tynyshtyqtyń, dostyqtyń kepiline aınalyp úlgerdi. Qazaqstan basshysynyń bastamasymen qurylǵan álemde balamasy joq bul qoǵamdyq ınstıtýttyń uly ulttyq ıdeıa – «Máńgilik Elge» qol jetkizýde de orasan zor aralyq ról atqaratyny anyq. Jalpy, qazaq halqy qıyn kúnderde de ártúrli ult ókilderin baýyryna basty. Biz de osy Máńgilik El aıasynda ul-qyz ósirip, urpaqtar sabaqtastyǵyn jalǵastyra bereıik. Birligi jarasqan «Máńgilik Eldiń» bir bólshegine aınalaıyq. Ýkraına elinde turaqtylyqtyń, tynyshtyqtyń ornaýyn qalaımyz. Vıtalıı SVINSISKII, «Polonııa» polıak etnomádenı birlestiginiń tóraǵasy. Pavlodar oblysy.TATÝLYQ – BAǴA JETPES BAILYQ
«Baqytqa qaıda bara jatyrsyń degende, birlikke baramyn» degen halyq danalyǵy tekke aıtylmasa kerek. Ultym – ýkraın, Otanym – Qazaqstan, tútin tútetip, bala ósirip, eńbek etip, dos pen týys taýyp, berekege molyqqan elimde otyryp, alysta jatqan tarıhı otanymdaǵy qıynshylyqqa janym aýyrady. Altyn basty, ejelgi orda – Kıevtiń ot-jalynnan ys shalǵan ǵımarattaryn kórý, talaı tarıhtyń kýási Kıev kósheleriniń qanǵa boıalýy bas jibin ustatpas, bojysynan tartyp toqtatpas ásire saıasatqa urynýdyń saldary ekeni kúmánsiz. Joq, aldymen – ekonomıka, sosyn baryp saıasat degen meniń elimniń ustanǵan baǵytynyń durystyǵy taǵy da jan saraıyma shýaq sáýlesin shasha túsedi. Iá, osyndaıda Qazaqstan basshysynyń áý bastan-aq halyq birligin, etnosaralyq dostyq máselesin alǵashqy oryndardyń birine qoıyp, sol baǵyttaǵy ómirsheń bastamalary men ıgi isteri arqyly elimizdiń erteńin eńselendirýge jan aıamaı ter tógip kele jatqany janyńdy jylytady, jylytyp qana qoımaı, jadyratady. «Máńgilik Eldi» murat tutýda osy joldan bir sát aýytqymaı, saıasattyń jel sózine erip jelkildeı bermeý qajettigi búgingi de, keler urpaqqa da aıtylar ósıet sóz, alǵa ustar shamshyraq bolýǵa tıis. О́mirim Otanymmen baılanysty, odan alysqa demalysqa ketsem de saǵyna oralyp, shekara syzyǵynan ótip, Qazaqstanyma kirgende tynysym keńip sala beredi. Maqsatymyzǵa jeteıikshi. Bir «Máńgilik El» Qazaqstan bolǵanda, ekinshi bir abat el Ýkraına bolsa eken dep perzenttik peıilmen tilek tileımin. Eldiń amandyǵyna, jurtyńnyń tynyshtyǵyna esh nárse jetpeıdi. Ýkraına, tezirek qalpyńa oral, seniń alysqa shashyraǵan dániń, nesibesin alystan tergen, sol jerde ósip-ónip baqytyn tapqan perzentiń erteńińniń jarqyn bolǵanyn qalaıdy. Natalıa RÝDOI, «Obereg» qoǵamdyq birlestigi tóraǵasynyń orynbasary.ELMEN ESEPTESKENNIŃ ESESI KETPES
Árıne, Ýkraınadaǵy búgingi ahýal ilgerishil kózqarastaǵy barsha adamdy alańdatady. Mundaǵy kelispeýshilikter taraptardyń órkenıet bıiginen kórine otyryp, ózara túsinistik negizinde beıbit jolmen, kelissózder arqyly sheshilýi kerek edi. Bul jerde jaǵdaı múldem basqasha sıpatta damydy. Qarsy turýshylyqtar kezinde qaza tapqan jáne jaralanǵan adamdardy, sonymen qatar, bir-birine óshpendilikpen qarsy turǵan toptardy kórgende, beıbitshilik pen yntymaqta, túsinistikte ári qoǵamdyq kelisimde ǵumyr keshkeniń bárinen de qymbat, bárinen de artyq ekenin aıqyn sezinedi ekensiń. Qudaıǵa shúkir, bizde ondaı joq. Elimiz aman, jurtymyz tynysh. Bizdiń halqymyz Memleket basshysynyń sheshimderin tolyq maquldaıdy. Qazaqstan Prezıdentiniń «Máńgilik El» jalpyulttyq ıdeıasyn da búkil qazaqstandyqtar jan-jaqty qoldap otyr. О́ıtkeni, bul ıdeıa – qazaqtyń ata-babalarynyń baǵzy zamandardan bergi asyl armany. Sondyqtan, bir elde bir úıdiń balalaryndaı tatý-tátti ómir súrip kele jatqan Qazaqstannyń barsha azamaty bul ulttyq ıdeıany qoldaıtynyn da zańdylyq dep túsinemin. О́ıtkeni, biz bir elmiz, bir halyqpyz, onyń ústine «Máńgilik El» ıdeıasy halyqtyń erteńin eńseli etýge baǵyttalǵan sheshimdermen úılesim tapqan. Jalpy, qazaqtyń «Birlik bar jerde tirlik bar», «Yrys aldy – yntymaq» degen danalyqtary qanshalyqty oryndy ekendigin osyndaıda búkil jan dúnıeńmen sezingendeı bolasyń. Qazaqstandyqtar da birligine eshqashan syzat túsirgen joq. Oǵan, taǵy da qaıtalap aıtaıyn, Elbasy Nursultan Nazarbaevtyń durys saıasaty, Qazaqstandy qaıtsem órkenıet bıigine kóteremin, qalaı istesem halqymdy jaqsy turmysqa jetkizemin degen ulan-ǵaıyr eńbegi, jan aıamaı tókken teri birinshi kezekte alǵyshart jasap otyr. Gagık MARTIROSIаN, Qazaqstan armıandarynyń «Van» etnomádenı birlestiginiń tóraǵasy.
