«Bastaýdyń» negizgi baǵdarlamasy tolyq metrajdy kartınalardan - BASTAU DEBUTS, qysqa metrajdy fılmderden - BASTAU SHORTS jáne derekti jumystardan - BASTAU DOCS turady.
Festıvaldi QR Mádenıet jáne sport mınıstrliginiń, Almaty qalasy ákimdiginiń, T.Júrgenov atyndaǵy Qazaq ulttyq óner akademııasynyń, Turan Ýnıversıtetiniń, Ulttyq kınony qoldaý memlekettik ortalyǵynyń jáne Sh.Aımanov atyndaǵy «Qazaqfılm» kınostýdııasynyń qoldaýymen «Tanaris Production» kınokompanııasy uıymdastyrady.
BASTAU DEBUTS baıqaýyna 10 fılm qatysady:
- «Asteroıd» rejısser Mehdı Hoseınvand Aalıpýr, Iran.
- «Sosedı» rejısser Mano Halıl, Shveısarııa.
- «Bara bara» rejısser Gaýrav Madan, Úndistan.
- «200 metrov» rejısser Amın Naıfeh Palestına, Iordanııa, Katar, Italııa, Shvesııa.
- «Potansýı so mnoı» rejısser Nıkandr Fedorov, Iаkýtııa.
- «Kto spıt v serebrısto-serom» rejısser Lıao Zıhao, Qytaı.
- «Belyı kıt» rejısser Tatıana Fedorovskaıa, Reseı.
- «Haildriver» rejısser Mýzamer Rahman, Malaızııa.
- «Sýpernova» rejısser Bartosh Krýhlık, Polsha.
- «Otaý» rejısser Álisher Jádigerov, Qazaqstan.
BASTAU SHORTS qysqa metrajdy fılmder baıqaýyna 25 kórkem jáne 16 anımasııalyq fılm qatysady. Bastau DOCS halyqaralyq derekti kıno baıqaýynda 7 tolyq metrajdy jáne 10 qysqa metrajdy fılmder usynylǵan.
Eske sala ketsek, festıval Dáýren Qamshybaevtyń baıqaýdan tys kórsetiletin debıýttik kartınasy – «Zere» fılminiń ulttyq premerasymen ashylady. Buǵan deıin bul fılm tek Brazılııadaǵy São Paulo International Film Festival halyqaralyq kınofestıvaline qatysqan.
Sondaı-aq, konkýrstan tys Aıjan Qasymbektiń «Ot» týyndysy da kórsetiledi. Fılmniń álemdik premerasy jaqynda ǵana Pýsandaǵy halyqaralyq kınofestıvalde ótti. Sonymen qatar, bıyl fılm Germanııadaǵy Film Festival Cottbus jáne Sıngapýrdaǵy Singapore International Film Festival kınofestıvalderine qatysty. Al basty róldi somdaǵan Tólepbergen Baısaqalov Sochıdegi X Russian British Sochi international film festival & Awards 2021 kınofestıvalinde jáne Los-Andjelestegi Asian World Film Festival kınofestıvalinde eki birdeı marapatty jeńip aldy.
Sonymen qatar, baıqaýdan tys Ádilhan Erjanovtyń «Ońbaǵandar» atty jańa fılmi jáne Aleksandr Kamenskııdiń «Eýrazııa patshaıymdary» derekti lentasy kórsetiledi.
Festıvaldiń jeke seksııalary - BASTAU FOCUS-ta Aýǵanstannan 3 fılm usynylǵan. Olar rejısser Ramın Rasýlıdiń «Proshloı nochıý sobakı ne spalı» (Inter religions Award MKF Fadjr 2021 «Úzdik fılmi») kartınasy, Granaz Mýssavıdiń «Kogda voıýt granaty» (APSA-da «Úzdiń jastar fılmi» nomınasııasy) jáne Navıda Mahmýdıdiń «Ýtonýt v svıatoı vode» (Pýsan HKF 2020 «OKNO V AZIATSKOE KINO» baǵdarlamasynda Kım Djı Sok júldesin jeńgen) fılmderi.
AROUND THE WORLD seksııasynda iri halyqaralyq kınofestıvalderdiń júldegerleri – Sergeı Loznısanyń «Babıı ıar. Kontekst» derekti fılmi, Vıktor Kosakovskııdiń «Gýndasy» jáne Tatıana Fedorovskaıanyń «Mamıny shpılkı» fılmderi kórsetiledi.
BASTAU CENTRAL ASIA-da Ortalyq Azııanyń 5 jańa fılmi usynyldy. Qyrǵyzstannan eki kartına - Emıl Atageldıevtiń «Ozero» fılmi jáne Dastan Japarýlý men Baqyt Muqýldyń «Edenge joly», О́zbekstannan 2 fılm - Rashıd Malıkovtyń «Nevolıasy» jáne Mansýr Abdýhalıkovtyń «Teńiz» atty fılmi jáne Tájikstannan Rýmı Shoazımovtyń «Provınsıalnye mechtatelı» atty júmysy kórsetiledi.
Festıvaldiń ashylý saltanaty 30 qarasha kúni Abaı atyndaǵy Qazaq ulttyq opera jáne balet teatrynda ótedi.
«Bastaý» IX Halyqaralyq stýdenttik jáne debıýttik fılmder kınofestıvaliniń kestesin – https://bastauiff.com/ saıtynan kóre alasyzdar.
